سلطنت عثمانیہ کا جمود
وکیپیڈیا سے
 |
سلطنت عثمانیہ کی تاریخ | ||||||||
|---|---|---|---|---|---|---|---|---|---|
| ادوار: | |||||||||
| عروج (1299–1453) | |||||||||
| توسیع (1453–1683) | |||||||||
| جمود (1683–1827) | |||||||||
| زوال (1828–1908) | |||||||||
| خاتمہ (1908–1922) | |||||||||
| مزید دیکھئے: | |||||||||
|
|||||||||
1683ء میں جنگ ویانا میں شکست ہی دراصل عثمانی سلطنت کے زوال کا آغاز تھا۔ اس شکست کے بعد شہزادہ یوجین نے آسٹرین افواج کے ذریعے ترکوں کے خلاف عظیم جنگوں کا آغاز کیا جس میں عثمانیوں کو زبردست نقصانات اٹھانے پڑے۔ 1699ء تک ہنگری کا پورا علاقہ عثمانیوں کے ہاتھوں سے نکل گیا۔ اسی سال معاہدہ کارلووٹز پر دستخط ہوئے جسے سلطنت کے زوال کا اہم سنگ میل سمجھا جاتا ہے۔ 18 ویں صدی میں ہونے والی جنگوں کے نتیجے میں بھی ترکوں کو کئی معاہدے کرنا پڑے۔
مصطفی دوم کو اپنے دور حکومت میں شہزادہ یوجین کے خلاف شکست ہوئی اور معاہدہ کارلووٹز کے تحت ہنگری اور ٹرانسلوانیا آسٹریا کو مل گئے اور موریا کا علاقہ جمہوریہ وینس کے ہاتھ آیا۔ اس کے علاوہ ترک افواج کو پوڈولیا سے بھی ہاتھ دھونا پڑے۔ اس کے دور حکومت میں زار روس پیٹر اول نے 1697ء میں ازوف میں بحیرہ اسود کے کنارے واقع قلعہ فتح کیا۔
محمود اول کے دور میں نادر شاہ نے سلطنت کو مشرق کے کئی علاقوں سے محروم کردیا۔
عبدالحامد اول کے دور میں روس سے شکستیں کھانے کے بعد سلطنت اور روس کے درمیان معاہدہ کوچک کناری ہوا جس کے نتیجے میں کریمیا کا علاقہ روس کے قبضے میں چلاگیا۔
اس دور کا اختتام محمود ثانی کے ساتھ ہوتا ہے جس نے سلطنت کے زوال کو روکنے کے لئے اصلاح کی بھرپور کوشش کی۔
ترمیم جاری ہے
