مسٹانگ
وکیپیڈیا سے
مسٹانگ مغربی شمالی امریکہ کے پہاڑی اور صحرائی علاقوں میں پاۓ جانے والے سخت جان اور آزاد گھومنے والے گھوڑے کا نام ہے۔ مسٹانگ اپنی خوبصورتی، رفتار، قوت برداشت اور آزاد روی کی وجہ سے مشہور ہے۔ اسکی ان خصوصیات کی وجہ سے بے شمار چیزوں کے نام مسٹانگ پر ہیں۔
[ترمیم] تاریخ
7 ویں صدی میں عرب افواج مدینہ سے دنیا کی فتح پر نکلیں تو ان کا ایک جنگی ہتھیار عربی گھوڑا بھی تھا عرب کے صحراؤں میں رہنے کی وجہ سے اس میں بے تحاشا قوت برداشت تھی اور نتھنے بڑے ہونے کی وجہ سے اس کے پھیپھڑوں میں زیادہ آکسیجن گیس جاسکتی تھی چنانچہ اسے زیادہ توانائی ملتی تھی۔ عرب فتوحات میں عربی گھوڑے کا بڑا ہاتھ ہے۔ 711ء ميں بنو امیہ کے دور میں عرب افواج اسی عربی گھوڑے پر سپین فتح کر رہیں تھیں۔ اس گھوڑے کا نام پھر اندلسین بھی پڑ گیا۔ مسلمانوں سے یہ گھوڑا ہسپانوی عیسائیوں کے ہاتھ لگا۔ کولمبس کے ساتھ یہ ہسپانوی اور عربی گھوڑا ایک نئی دنیا امریکہ پہنچا ہسپانویوں سے کچھ گھوڑے فرار ہو گئے اور جنگلوں میں رہنے لگ گۓ۔ انکا نام مسٹانگ ہے۔
انگریزی لفظ مسٹانگ ہسپانوی لفظ میسٹینو سے بنا ہے۔
