کاشغر

وکیپیڈیا سے

کاشغر عوامی جمہوریہ چین کے حودمختار علاقے سنکیانگ کا ایک شہر ہے جس کی آبادی 205،056 (بمطابق 1999ء) ہے۔

یہ شہر صحرائے تکلمکان کے مغرب کی جانب کوہ تیان شیان کے قدموں میں واقع ہے اور سطح سمندر سے اس کی بلندی 1290 میٹر (4232 فٹ) ہے۔

وادئ جیحوں کی جانب سے خوقند، سمرقند، الماتے اور دیگر شہروں سے آنے والے راستوں کے وسط میں واقع ہونے کے باعث ماضی میں یہ شہر سیاسی و کاروباری مرکز رہا ہے۔

موجودہ شہر کے 200 کلومیٹر دور مغرب سے کرغزستان کی سرحد کے قریب شاہراہ ریشم گذرتی ہے جہاں سے جنوب مغرب کی جانب بلخ اور شمال مغرب کی جانب فرغانہ کے آسان راستے جاتے ہیں۔

کاشغر بذریعہ شاہراہ قراقرم و درہ خنجراب پاکستان کے دارالحکومت اسلام آباد سے منسلک ہے اور درہ تورگرت اور ارکشتام سے کرغزستان سے ملا ہوا ہے۔

[ترمیم] تاریخ

751ء میں جنگ تالاس میں چینیوں کو عربوں کے ہاتھوں زبردست شکست ہوئی اور کاشغر ملت اسلامیہ میں شامل ہوگیا اور آج بھی یہاں مسلمانوں کی اکثریت ہے۔ یہ شہر 1219ء میں چنگیز خان کے حملوں سے تباہ ہوا۔ مارکو پولو نے 1273ء میں کاشغر کی سیر کی۔

1389ء میں کاشغر امیر تیمور کے عتاب کا نشانہ بنا۔ 1759ء میں چین کے چنگ خاندان نے اس پر قبضہ کرلیا اور مشرقی ترکستان چینی ترکستان بن گیا۔ مسلمانوں نے کئی مرتبہ حکومت وقت کے خلاف بغاوت کی لیکن ہر مرتبہ اسے کچل دیا گیا۔

یہاں کی مشہور ترین بغاوت یعقوب بیگ کی زیر قیادت تھی جن کے انتقال کے بعد 1877ء میں چنگ خاندان نے علاقے پر مکمل کنٹرول حاصل کرلیا۔

[ترمیم] قابل دید مقامات

• عید گاہ مسجد، شہر کے وسط میں واقع ہے جو چین کی سب سے بڑی مسجد ہے

• 18 میٹر (59 فٹ) بلند ماؤ زے تنگ کا مجسمہ

• ابخ خوجہ کا مزار شہر سے 5 کلومیٹر شمال مشرق میںواقع ہے۔ وسط کاشغر میں ان کے اہل خانہ کے کے دیگر ارکان کے مزارات ہیں۔