Spriss
Da Wikipedia, ła ençiclopedia libara.
El spris el xe na tipica bevanda che se pol degustar in Veneto.
Indice |
[modifica] Ceno Storico
El Spris el nase a Venexia a metà '800 durante el dominio Austriaco; i miłitari austriaci no i gera boni de bevar el vin lisio (abituai come che i gera coea bira) quindi no esèndoghe bira i tagiava el vin co l'acqua. Da qui nase el primo Spris composto da Acqua e Vin.
[modifica] Compoxizsion
No ghe xe na compoxizsion compagna in tuti i posti pal spritz. Dixemo che de sołito se ghe buta rento vin bianco, acqua lisia o col gas, e, vendoghe voja, na corezsion del Aperol o de Campari. Sul goto te ghe poi metare anca na decorazsion, disemo na oliva col stecadente o un tocheto de naranzsa o altri mestieri compagni.
Metemo xo do ricete de esempio:
Prima compoxizsion:
- 1/3 Aperol (ma el podarìa anca èsare Campari o Bitter e a Venexia ixoła Select)
- 1/3 Vin Bianco (mejo se proseco, cusì ghe xe łe bołe)
- 1/3 de acqua.
N'altra compoxizsion:
- 1/2 Aperol o Campari o Select
- 1/2 Proseco
- 1 oliva col stecadente
- 1/2 feta de naransa
[modifica] Tradizsion
A Padoa i toxi i beve el spris (che iori i ciama anca spriseto) in te łe piazse, cusì che ła vien fora tanta confuxion e anca tante barufe. Anca a Venexia i beve el spris, ma no lo beve soło i toxi, ma anca i veci, magari 'compagnà co 'na ombra de vin. El momento bon de torse el spris ne ła cità dei Dosi el xe trae sete e e diese de sera.
[modifica] Scole de pensiero
Ghe xe tante de quełl maniere de bévare el spris, ma łe dó pi importanti łe xe queła co l'Aperol e queła col Campari. E ghe xe tante de quełe diferenzse tra ste do version del spris che no podemo gnanca contarle qua: łe xe dó rełigion, dó fiłoxofie de vida.
[modifica] Giografia del spris
El spris se beve anca in friul e in trentin e ghe xe dei bar parfin a Bologna che i xe boni de farteło, anca se no i ło fa mia ben come noialtri. Pi a ovest de Brescia no i sa mia cosa che el xe, opure i ło ciama in te n'altra maniera. El "sdoganamento" nasionae del spris xe stà fato da poco da na publicità de l'Aperol chea diseva: "Hai mai provato lo spritz?" ("Gheto gnancora provà el spris?").
