Achille Van Acker
From Wikipedia
- Dit artikel es geschreevn in 't Brugs, en da zoe best ozô bluuvn.
Achille Van Acker (8 april 1898 - 10 juli 1975) was een Bruggelienk die bie de grotste polletiekers van achter den Twidd'n Weireldôorloge mag geteld worden. Binst z'n grote carrière in de Belgische polliiek ei tie vier keren eerste minister gewist:
- 12/02/1945 - 02/08/1945
- 02/08/1945 - 13/03/1946
- 31/03/1946 - 03/08/1946
- 23/04/1954 - 26/06/1958
Achille Van Acker was een echte selfmade mens. An z'n elf joar ei tie moetn stopp'n van no 't schole te goan vo tuus te kunnen elp'n bie z'n oeders.
Achter da tie eerst gewerkt had in 't socialistisch syndikoot (socialistischn vakbond) , is tie in 1927 in 't Parlement gerocht vo de BWP, de Belgische Werkliedenpartij, wa da nu SP.a is (Socialistische Partij Anders).
Z'n eerste drie goevernementen een èn nie lange meegegoan deur de Keuniengskwestie met da styf moeilyk werekeren van Leopold III. Da was één van de moeilykste momentn vor 't land.
Z'n grotste verdienste was da tie 't sistèm van de Sociale Zekerheid eit ip z'n poaten gezet, wa datter toe vandage vooren gezorgd eit da vil geweune menschen an d'ormoe ontsnapt zien.
J'is ook bekend omdat ie achter den orloge de Belgische koolpitten were in gank ei gestoken. Je was ton (oender andere) minister van Steenkolen. 't Es ton dat ie z'n lapname "Asiel Sarbon" ei gekregen.
Je was ook lid van de loge (Vriemetseloarie).
