Bart Van Den Bossche
From Wikipedia
Bart Van Den Bossche (Ostende, 17 april 1964) es nen West-Vlamsche zanger, acteur, radio en TV-presentator.
[bewerk'n] Carrière als zanger
Bart Van Den Bossche, geboorn in Ostende moar ipgegroeid in Kortryk, eit vrêe vroege lêern zingn en gitoare speeln. 't Wos de anleidienge om noa Brussel en Antwerpn te goan studeern an het conservatorium en de studio Herman Teirlinck. In 1986 eit ie zyn êestje ploatje gemakt, da direct nen radiohit wos. In 1989 eit ie meegedoan an de preselecties van Eurosong. In 1992 bringt ie zyne êeste CD uut: Bouillon de Charme. De vôorutgeschoovn single 'Ga met me mee' es de zomerhit van het joar 1990, moar echt deurebreekn bie het grôte publiek doe't ie me de single 'De heuveltjes van Erika' in 1992 en nog loater 'Boem', een ertoalienge van ne hit van Charles Trenet. Vanof 1994 treedt ie ip me ne groep 'Bart & De Bosschen van Vlaanderen'. In 1997 zingt ie et gordellied.
[bewerk'n] Discografie
- 1992: Bouillon de Charme
- 1993: Wakker
- 1996: Kermis in de Hel
- 1998: Het houdt nooit op
- 2002: De zotte avond (covers van klêenkunstnummers)
[bewerk'n] Carrière als Radio en TV-presentoator
- 1995: Bart Van Den Bossche presenteert vanof ton et ton vrêe populaire Videodinges ip VTM, woarin da zelfgemakte, kluchtige videofilmkes weirdn getôont. Het programma weird, weliswoar nie ieder joare, uutgezondn tot in 2004.
- 1997: Vliegende reporter bie 'Vlaanderen boven' en presentoator van een kookprogramma ip VTM, 'Kok en C°'
- Rond die periode presenteert ie ôok 'Het leven is mooi' ip Radio 1
- In 1999 en 2000 presenteert ie 'De dag van 100,000'
- Bie Radio Mango presenteert ie 'VDB', mè aandacht voo het Vlamsche lied.
- Loater makt ie nog sporoadische nieuwe programma's, gelik 'Glimmer en Glatter' en 'Bart De Rijcke'
