Johan Museeuw

From Wikipedia

Dit artikel zoe beter erschreevn weird'n in 't Jabbeeks.

Johan Museeuw (Varsenoare, 13 oktober 1965) was ne Belgische coureur. Zyn byname is "de leeuw van Vloandern". Je was êen van de latste Flandriens die we gekend ein. Ie was ne meester van de Eindagskoersen, en it ze bykans ollemoale gewonnen (sommige mêer bergachtige woar'n nie ip zyn lyf geschreevn). Jes ôok ne kêer weireldkampioen geworden in 1996. In de Tour de France eit ie ôok een aantal rittn gewonn'n en eit ie de gele trui gedreegn.

In zyn carriere eit ie in verschillige ploegn gereden, moar mêestal was 't er êen constante: Patrick Lefevere. Een aantal van de ploeg'n woaren: ADR, Lotto - Super-Club, Lotto - Belgacom, GB-MG, Mapei-GB, Mapei - Quick-Step, Domo - Farm-Frites, Quick-Step - Davitamon, Quick-Step - Innergetic.

Johan Museeuw eit elf kêren een Weireldbeker wedstryd gewonnen (een absoluut recor), drie kêren de Roende van Vloandern en Paris- Roubaix gewonnen, en vele minsen een onvergittelyke tyd bezorgd. Ie eit ôok twêe kêers moetn werekèren van zwoare blessures: êen kêe van een vol in het Bus van Wallers, en êne kêe van een moto-ongeluk.

[bewerk'n] Ende in mineur

Op 2 mei 2004 stoptige Museeuw mè koersen. Aloewel de carrière van Museeuw moeilyk overschat kan weirden (zie palmares), is ze jammer genoeg ip een negatieve maniere geëndigd. Hij werd verdacht van dopinggebruuk, en de termen 'Wesp' (codewoord voe Aranesp) en 'Gesneden brôod' (groeihormoon) zyn sedertdien legendoarisch. Op 23/1/2007 bekent Museeuw voe 't êest dat ie doping genoomn et. Volgens nem ollêne in ze latste joar als prof. Achter die bekentenisse dien'de oek zien ontslag in als PR-man van Quick-Step.^[1].

[bewerk'n] Palmares (allêne de echte oogtepuntn)

1990 - 2 rittn in de Roende van Vrankryk
1991 - Kampioenschap van Zurich (WB1)
1993 - Paris - Tours (WB2)
1993 - Roende van Vloandern (WB3)
1994 - Amstel Gold Race (WB4)
1995 - Roende van Vloandern (WB5)
1995 - Kampioenschap van Zurich (WB6)
1995 - Eindklassement Wereldbeker wielrennen
1996 - Paris-Roubaix (WB7)
1996 - Weireldkampioen
1996 - Eindklassement Weireldbeker wielrennen
1998 - Roende van Vloandern (WB8)
2000 - Paris-Roubaix (WB9)
2002 - Paris-Roubaix (WB10)
2002 - HEW Cyclassics Hamburg (WB11)

Een aantal andere oogtepuntn: E3 Pris Vloandern, poar kêers Belgisch kampioen, Twis deur Vloandern, Kuurne-Brussel-Kuurne, Brabantse Pyl, Omloop 't Volk, etappen en eindklassementen in de Roende van Zwitserland, Denemarken, Ruta del Sol, Duunkerke, Driedoagse van De Panne...