Kanoal Kortryk-Bossut
From Wikipedia
- Dit artikel es geschreevn in 't Kortryks, en da zoe best ozô bluuvn.
Het kanoal Kortryk-Bossut es een West-Vlamsche voart die de Leie verbindt met de Schelde. Gelyk da de noame angeeft begunt et in Kortryk (Leie) en endigt et in Bossut (Schelde).
[bewerk'n] Liggienge
De voart es 15,5 km lang, een brièdte va 30-40 meiters en een diepte van 6 meiters. Het kanoal ligt ôger dan de Leie en Schelde, en et ôogteverskil moest ipgevangn weird'n deur 11 sluuzn. Der wos wok nen tunnel va 600 meiters langk ('souterrain') en een pompstation nôdig.
[bewerk'n] Geskiedenisse
De voart es gegroavn gewist tussn 1857 en 1860 deur 1.100 weirkminsn. 't Wos in't begun bedoeld voo 't vervoeren va stêenkool vanut de Borinage noa Kortryk. In de joaren '70 es het kanoal verbrièdt gewist om grôtere skeep'n deure te loat'n. Doardeure woarn de ièste pomp'n nie sterk genoeg mi en ein ze een nieuw pompgebuow gebouwd noast 't oude.
De voart passeert in Stoasegem, Zwevegem, Knokke, Êestert en Moen. In Kortryk komt et ut in de Leie ip een plekke woar da vroeger Crommeleires brugge wos, moar woar da nu de nieuwe Groeningebrugge stoat. Der zin nog een antal beskermde sluuzn te zien.
[bewerk'n] Toerisme
Vroeger kost je goe vissn ip de voart, moa omda sins kort het kanoal zelve moe instoan voo zin zuverynge, es de kwaliteit van't woater te slicht gekoomn voo de vis. Der zin wok fietsroutes langs de voart: de Leie-Schelderoute va 49 km lôopt hièlegans langs et kanoal. In Bossut keun je het oude pompgebow bezoek'n da in 1992 deur de gemiènte Oavelgem angekocht gewist es. Ge keunt er de oude pomp'n gan bezoek'n en informoatie vind'n over de streke.
