Kuurne

From Wikipedia

Gemêente Kuurne
Kuurne
Liggienge binnen het arrondissement Kortryk in de provinsie West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Kortryk
Liggienge	50°51' NB 03°17' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	10,01 km²
Inweuners (Bron: NIS)
Inweuners – Vintn – Vrown – Bevolkiengsdichtheid	12.591 (01/01/2006) 49,52% 50,48% 1258 inw./km²
Leeftydsipbow 0–17 joar 18–64 joar 65 joar en oeder	(01/01/2004) 20,46% 62,20% 17,34%
Buutnlanders	1,87% (01/07/2005)
Weirklôoseidsgroad	6,75% (01/01/2006)
Polletiek
Burgemêester	Carl Vereecke (KARTEL)
Coaliesje	KARTEL, CD&V
Zetels KARTEL CD&V Vlaams Belang sp.a Groen!	23 10 6 3 3 1
Dêelgemêentn me postcode
Postcode	Dêelgemêente
8520	Kuurne
And're info
Zonenummer	056
Poliesjezone	{{{polz}}}
Webadres	www.kuurne.be

De Leie in Kuurne me zicht ip Oarelbeke

Dit artikel es geschreevn in 't Kortryks, en da zoe best ozô bluuvn.

Kuurne es een klêne gemêente met een 12000 inweuners, geleegn tussen Kortryk, Oarelbeke en Lendlee. Tei nie vele geskild of ze woaren een dêelgemêente van Kortryk bie de fusie van 1977, moar omda ze nogal ip udder onafhankelukeid stond'n zin ze toch apart gebleevn.

Ambroos, den ezel en symbool van Kuurne

[bewerk'n] Geschiedenisse

[bewerk'n] Noame

Jist en veurol de noame van de gemêente. Hjil vroeger, rond un joar of 1123, was de noame 'villa de Curnes', mo das styf veranderd: 1156: 'Cuerna', 1197: 'Curna', 1262: 'Querne', 1347: 'Kuerne', 1518: 'Kjeurne', 1664: 'Cuerne'. Da latste èn ze vrji lange azwo houdn. Zènt nog gebrukt in 1930. Daarachter wast 'Kuurne' ent nè nog olsan azwo.
Moa wuk wilta zeggen? Cuerne (Kweerne) wil zeggen 'Handmolen'.En azo kommet da jin van de jeugduzzen 't molentje noemt. Moa vant oer-keltisch afgeleid: Ku-ere-hanna (Kuerna) willet zeggen 'veilig omheinde woonplaats'. Tzin der wok nog die zeggen dat 'n ni-gegermanisjirde Keltische woaternoame ès.

[bewerk'n] Ezels?

De roepnoame van de kuurneneiren ès 'ezel', da komt omdat jir de boern va Kuurne noa 't stad Kortryk giengn met udder ezels vulgelad mè marchandise. Aloewel dat et een skeldwoord ès, zin ze der toch preus ip. Volhens een andere legende kost de koster de latinse woordn "Memento, homo, quia pulvis es, et in pulverem reverteris" niet ontoden, woarip dat de paster zei "Ge zit als ezel geboorn, ge goat lyk nen ezel stervn". Ip aswoensdag moest de koster de paster vervangn en gebrukte ie die utdrukkinge.

[bewerk'n] Onafgankluk

Ipt ende van 1974 kwam burgemiestre Lambrecht van Kortryk de gemiente bezoeken om een fusie met Kortryk vwoar te breiden. Nie da ze zoa in die koppige ezels geïnteresseerd woaren, moar ze woaren straf begoest ip 't Ringshopping centre en de industriezone met o.a. Barco in 't nwoard-Westen.
Vele harde kuurneirs woaren radicoal tegen de fusie en organiseerden onder leidienge van miester André Lietaert de ienigste betwoagienge in de geskiedenisse van Kuurne (vwoar zoverre gewetn). De betwoagieng liep 'n bikke eut den hand want der stonden massa's volk te dansen ip den sjieken oto van Lambrecht die omzeggens hielegans om ziepe wa.
Euteindelyk eit de fusie toon nie deuregegoan moar einze de grenze met Kortryk verleid ip de ring zoadat 't Ringshopping en wa chique verkoaveliengen toch noa Kortryk gingen.

[bewerk'n] Kernen

Der zin de volgende parochies me ulder wikn:

Sint-Michiels: d'ôofdparochie die ôok de grôotsen wik vormt, me doarrond:
- Leieoek en sezoenwik me 'n sterk verênigings leevn
- Abêleoek, Oevedreve en Kastêeloek
- Kuurne-Frans an n'board me de brugske boane
Sinte-Pieter, die ôok ne grôten en levendigen wik vormt me doarrond:
- Stokerieoek en Meulnwik
Sente of Sinte-Katryne, de mêest ofgelegen parochie die ôok en stik ip Eule en Lendlee ligt
Heule-Woatermeulen, danze kwit gespeeld ein an Kortryk binst de fusie van 1977

[bewerk'n] Bezienswoardigheedn

Kuurne è vôorol gekend:

van zin joarlykse velokoerse Kuurne-Brussel-Kuurne, ep de negende zondag van 't joar
ei wok een peirderenboane, en is doarmee jin van de drie peirderenboanen van West-Vloandern, neffens Woaregem en Ostende.
de Ezelsfeesten. Da goa deure 'tjêeste weeken' van oktobere en gjèl de gemjènte lwopt doar ton rond up die fjêeste.
zin bier. Ge moe niet verre zoek'n Ezelsbier (gebrouwn deur Bavik). Er zien doar twjiè varianten van; De breunen ezel en de witten ezel.
Kuurne eit een antal gebouwn die de moeite weird zin:

De parochiekerke van Sint-Pieters

een moderne niet-typische keirke in de vorme van een omgekièrd skip. Zès gebowd in 1971.

De Stokeriemeuln

nen stoakmeuln langs de Brugskeboane. Ie droait nog wel, moar ie kan nie miè gebrukt weirden voo te moaln. Verust van Kortryk noa Kuurne in 1796 deur den eigenoare Louis Carpentier, moa nu est ie eigendom van de gemêente.

Hoeve Vandewalle

d'oudste hoeve van hêel Kuurne, gebowd in 1405 en 14 ha grôot.

Kleurdag, jirdere Artiestenfwoare. Nêeste ki datie deureging was in 1969 en ton mochtn skilders, bjildouwers, bronsgieters, glasbloazers en keramiekers udder ding doene. Ze meugen da nu nog jinne ki per twji joar doene, nêeste zundag van juni.

Kuurne es in de widde omstreke gekend als eutgoansgemêente. Een belangryke reden doarvoorn zin de zoaln van Vanwonterghem, zowel langs de Brugskeboane als in't centrum. Tot in de joaren '85 oaje ôok de fêestzoalen Pindal, de Pedeir, Bonaerde en de zoalen van de Gilde en de Middenstand. Doarnoast zin der een aantal gekende cafés, vôorol voo de jonge gasten, lyk 't Meulentje en den Tap.

[bewerk'n] Bekende Kuurneneiren

Kuurne è de gemêente van cartoonisten en skildereirs:

Miskien goa je wok de prenten erkennen van êen van zin bekendste beweuners: Nesten. Ge zie ze overol.
Ever Meulen tekent vôorol voo n'Umo
Michel Depypere, ipgevolgd deur de zeune Rik
Evarist Carpentier