Schosneere
From Wikipedia
| Schosneeren | ||||||||||||
|---|---|---|---|---|---|---|---|---|---|---|---|---|
 |
||||||||||||
| Taxonomische indelienge | ||||||||||||
|
||||||||||||
| Soarte | ||||||||||||
| Scorzonera hispanica | ||||||||||||
 |
E schossenele of e sesnêle is e groensel da in den êesten elft van 'n vôrige eeuw redelyk algemêen wos. De bynoame is winterasperge of armeluzeasperge.
't Trekt ip een asperge moa der zit e zwarte schelle rond. Die pele makt da j' der zwart' and'n van krygt. 't Is vele werk voe da der of te doen.
A ze gescheld zyn, moe je z'in stikskes snyen van 2 toe 4 centimeter. Toen kok je ze met e scheutje azyn omda ze schône blêek zoen bluuvn en ton moe je z'ofwerk'n met e bechamelsause.
Vô de verskillende noamen van de schossenele in de Vlamse streekdialecten, zie de tabelle in West-Vlams. In Vrankryk klapp'n ze van salsifis.
[bewerk'n] Inhoudstoffn
De voediengswoarde van 100 gram vesche schossenelen is:
| Energetische woarde | 69 kcal / 289 kJ |
| Koolhydroaten | 12,5 gram |
| Eiwit | 1,5 gram |
| Vet | 0,5 gram |
| Vitamine C | 5 mg |
| Vitamine B1 | 0,05 mg |
| Vitamine B2 | 0,02 mg |
| Kalium | 400 mg |
| Calcium | 60 mg |
| Yzer | 1,5 mg |
[bewerk'n] Têelt
Schossenelen word'n ip zandgrond ter plekke gezoaid tussn olf april en begun meie. A ze te vroeg gezoaid zyn, kunn'n de plantn goan bloein, moa de wortels bluuvn wel eetboar. Den afstand tussn de reek'n is 20 toe 25 cm, en in de reke tussn 7 toet 8 cm. Ze kunn'n uutgedoan word'n vanaf 't ende van oktober. De wortels kunn'n teegn de winter, en kunn'n hêel de winter uutgedoan word'n, voe zolange of dat de grond nie bevroorn es. De wortels kunn'n toe 50 cm lange word'n. Voe z'uut te doen met d'and, moe j' met e spa langs de wortels e diepe gerre delven, en ton kun je z'uut de grond oalen.
Schossenelen zyn dus êen van de zeldzoame groensels da je deur de winter kud eetn.
