Wim Opbrouck
From Wikipedia
Wim Opbrouck (°1969) is een West-Vlamsche zanger en acteur. Ipgegroeid in Oarelbeke moa weunt in Boaviekove.
Mo 't es moeilyk om Wim Ipbrouck in en vakske te steekn: y ziengt, ie speelt covers, j'es acteur zowel in films, tv als in theoater, moa je makt ôok geweune tv-programma's. Zin grootste verwezenlykiengen zyn:
- 'De Dolfijntjes' en 'TV-tunes KNT', zyn cover groepkes woamee dat y de culturele centra platspeelt
- Zyn rolln in films lyk 'Manneken Pis' en 'Ad Fundum'
- Tv-rolln in 'In de gloria', 'Het Eiland', 'Windkracht 10'. Jè ôok ne roadshow 'De Bende Van Wim', waarin da y met Jean Blaute en Michiel Hendryckx ip de moto deur europa trekt.
Vôder skildert ie nu en dan een skilderytje of têkent ie een têkeniengkse.
Van West-Vlams standpunt uut is Wim et best bekend van zyn rolle als Gerrit Callewaert uut Boaviekove (dêelgemêente van Oarelbeke) in 'In de gloria'. In die rolle kwamt ie iedre weke kloagen dat y't en skande vond da West-Vloamiengn ondertiteld weirdn in tv-programma's. Natuurlijk wos t'y zelve ôok ondertiteld, angezien y zelve West-Vlams klaptige, wa dan weer anleidienge gaf vô nieuwe klachten enzovôors.
Der is ôok ne hiloarische sketch (uut 'Alles kan beter') woarin dat y computerlessn gift in't West-Vlams. Daaruut zin de legendoarische termen gelyk 'kjèrekjèwere' (return), 'arde ploate' (hard disk), 'zochte ploate' (floppy) en 'rute98' (Windows 98) vôortgekoom'n.
