Zwoavel
From Wikipedia
Zwoavel is e chemisch element me atoomnummer 18. 't Behoort toe de zuurstofgroep en de ni-metaaln. 't Symbool van zwoavel is S.
[bewerk'n] Vôorkomn
Zwoavel is e toamelijk courante groendstoffe. De belangrykste bronn zien zwoaveloedende mineraaln. Doarin wordt er nog e verschil gemakt tussen sulfoatoedende (SO4) en sulfietoedende (SO3). Vodder komt da ook nog vôorn in in orgoanische zwoavelverbiendiengn en gasn (gelyk vulkoanische gasn).
Zwoavel komt oak vôorn in de mêeste eiwittn. t'Es verantwoardelyk vôor de reuke van dermgoaze, oardgoaze en van eiers. Oat an ei begunt te vorten komt'r vergiftigde zwoavelwoaterstoffe (H2S) vry, hetgjeen gebreukt wird vôar stienkbommen.
[bewerk'n] Bereidienge
Zwoavel is ni zo moeilk te maakn. 't Voordêel is da we da geweun zuver ut de groend kunn aaln, of toch biena zuver (99,5% oengeveer). Da wordt op e speciale maniere gedoan, 't Frasch-proces genoamd. Je ku ook zwoavel aaln ut verbiendiengn, gelyk (oard)olie. Ze zetn da eerst omme in woaterstofsulfide (da straf riekt en giftig is), en tonne zetn ze da omme in SO2, worut da ze utendelyk zuvere zwoavel kunn aaln.
[bewerk'n] Toepassiengn
Zwoavel wordt in dn industrie vele gebrukt. 't Dient als groendstoffe vo vele verbiendiengn. E poar voorbeeldn zien sulfers, mest, zwoavelzeur, poer (buskrut), vierwerk en batteriejn. Dankzie zwoavel en zuurstoffe kant de natuurlyke wjieke catchoe gevulkaniseerd wirden, hetgjeen toeloat om de gewilde sterkte en artehie van den industrjele catchoe te bekomen.
