Charles du Vivier de Streel
Èn årtike di Wikipedia.
Charles Duvivier (e walon Tchåle Devevî; oficirmint a dater di 1841, Charles du Vivier de Streel), c' est on scrijheu e walon, aprume kinoxhou come cåzaedjisse do pantalon trawé, la k' i raconte, kécfeye li vicåreye da Tchårlî Djambe-di-bwès.
Tchåle Devevî vna å monde a Lidje e 1799, et-z î dhoter e 1863.
Come mo des ôtes, il a cmincî pa redjårber des fåves da Lafontaine e walon.
Adonpwis, i publiya deus ptits livrets d' arimeas : Quelques chansons wallonnes (Sacwantès tchansons e walon, Lidje, 1842), et Poésies wallonnes (Powezeyes e walon, Lidje, 1842).
Come diccionairî, il a ovré so on Dictionnaire des rimes wallonnes mins ki n' a måy sitî eplaidî. I bouta eto so on motî walon francès mins i n' l' a måy tot fwait.
I scrijha eto e francès ene epopêye comike, La Cinéide (1852).
Il est rprins dins l' grosse antolodjeye da Piron.
Di s' mestî, il esteut curé del pårotche Sint-Djhan a Lidje
[candjî] Sacwants tites d' arimeas da Duvivier
- Les breyåds
- Lidje et les etrindjîs
- Li vén do payis
- Li coine do toet : paskeye so les eleccions
- Li pantalon trawé : dijh-pîté arimea loukî come li tchîf d' ouve des tchansons e walon divant l' arivêye di Nicolas Defrecheux.
