Djiblou (veye)
Èn årtike di Wikipedia.
Djiblou, c' est ene veye del Waloneye, e F. Gembloux, e flamind Gembloers, k' a divnou li cinte d' ene intité.
E 1964, divant les grands rebanaedjes Djiblou s' aveut ddja rabindlé avou les ancyins ptits bans di d' Ernadje, Grand-Mayni, Lonzêye et Såvnire.
- Limeros del posse :
- asteure : 5030
- davance : 5800
- Limero diyalectolodjike : Na 22
- Arondixhmint : Nameur
- Lomaedje et spotaedje des djins:
- Lomaedje: Djiblotins (on Djiblotin, ene Djiblotinne)
- Sipotaedjes:
- Les Coutlîs ou les Couteas d' bwès (a cåze d' ene oujhene di couteas).
- Les Borikets (so plaece: Bourikets) pask' i serént tiestous.
Po l' etimolodjeye et les vîs scrijhas, riwaitîz dins l' esplicant motî.
Ådvins |
[candjî] A vey
Li cloke-poite di Djiblou a stî rashiowe å Patrimoenne do Monde pa l' UNESCO.
[candjî] Djeyografeye
[candjî] Aiwes
Djiblou est raiwêye di l' Ôrnô.
[candjî] Toponimeye
Loukîz so ene pådje tote seule
[candjî] Istwere
[candjî] Moyinådje
Djiblou esteut dal Dutcheye do Braibant. Mins l' veye esteut moennêye pås Abés-Contes k' estént d’ on côp les curés et les tchesturlins.
Les moennes di Djiblou estént lomés "les prumîs monsieus del Braibant". Li Duk di Braibant n' elzî dmandéve pont d' contes.
Les djins n' ont måy pont yeu d' libertés.
[candjî] Ebagance do 19inme sieke
Gn ava des djins d' Djiblou po-z ebaguer eviè l' Wisconsene sol difén do 19inme sieke.
[candjî] Guere di 1940-1945
Gn a yeu la li Batreye di Djiblou, li prumire batreye di tanks inte les Almands et les Francès al guere 1940-1945. Dins les sôdårds di l' årmêye francesse k' î ont leyî les hozetes, gn aveut dipus d' 40 Marokins.
[candjî] Alére
- “Et mi, dji vs ratindeu !”, on roman e walon da Chantal Denis ki s' passe ene gote a Djiblou e 14inme sieke.
[candjî] Tuzance walone
[candjî] Sicrijheus e walon
- Jean de Lathuy î a dmoré disk' a s' moirt.
- Lucyin Somme î dmeure co, et a stî lomé citweyin d' oneur del veye).
- Yves Paquet ki dmoréve a Lonzêye.
- Jean-François Brackman î a dmoré estant djonne.
- Yannick Bauthière î dmeure co.
- José Schoovaerts î a dmoré dîj ans d' long, k' il î avéve ène botike di lîves, papîs èt tot c'k' i faut po scrîre.
[candjî] Raploûs d' waloneus
Inte 1998 eyet 2002, Djiblou fourit l' plaece des "Soçnaedjes del Rantoele", fwaits pår e walon, avou des politikîs u des sincieus.
[candjî] Accint walon d' Djiblou
Uzaedje foirt sitindou do son én (pus lådje kel ci do betchfessî én).
Il est mostré dins l' live Et mi, dji vs ratindeu da Chantal Denis, ki l' adrovaedje est scrît på scabin del Culteure di Djiblou.
