Li ptite gayole (tchanson)
Èn årtike di Wikipedia.
Li ptite gayole, c' est ene viye tchanson do Hinnôt, avou djusse deus coplets, k' a stî rprinjhe pa Julos Beaucarne.
Les paroles sont :
- Ele mi l' aveut todi prometou
- Ene bele pitite gayole (2 côps)
- Ele mi l' aveut todi prometou
- Ene bele pitite gayole po mete èm canari
Respleu (so èn air des djîles)
- Troulala, troulala, troulalalalaire
- Troulala, troulala, troulalalala
- Cwand m' canari sårè tchanter
- Il irè vir les feyes (2 côps)
- Cwand m' canari sårè tchanter
- Il irè vir les feyes, elzî aprinde a danser
"Li ptite gayole" est rwaitêye come li tchanson e walon li pus cnoxhowe å monde.
[candjî] Paroles avou l' accint d' après Scåssene
(la k' on pout vey les bons rimaedjes)
- Èle mè l' avout toudi promis
- Ène bèle pètite gayole (2 côps)
- Èle mè l' avout toudi promis
- Ène bèle pètite gayole pou mète èm canari
- Kind 'm canari sâra canter
- Il îra vîr les fîes (2 côps)
- Kind 'm canari sâra canter
- Il îra vîr les fîes, leur aprinde a dinsî
[candjî] = Paroles avou l' accint d' nole pau mins avou dès imaedjes
On èvoyaedje da "Rabulèts" po lès "Bounans" d' 2007 : http://users.skynet.be/fb527017/CanariAA.mov
[candjî] Shûte al pitite gayole dins les tchansons des studiants do Hinnot
Avou "Pays de Charleroi" da J. Bertrand, "li Ptite Gayole" a divnou l' air li pus tchanté des studiants do Hinnot. Il î ont racawé des coplets e francès po balter les studiants des ôtès provinces. Les vijhéns namurwès n' î sont nén co trop veyous evi.
- On dit qu' les Namurois sont lents
- Mais quand ils sont dedans (2 côps)
- On dit qu' les Namurois sont lents
- Mais quand ils sont dedans, ils y sont pour longtemps
- (On dit k' les Namurwès sont londjins, mins cwand i sont-st ådvins, il î sont po lontins)
Mins li hayime des Carolos est leyeye po les studiants del province do Lussimbork.
- Ene belle entente, c'est l' Bénélux
- Mais c' qu'on n' verra jamais (2 côps)
- Ene belle entente, c' est l' Bénélux
- Mais c' qu'on n' verra jamais, c'est la Carolo-Lux
- (on n' virè måy li rashonnaedje des soces di studiants d' après Tchålerwè, li "Carolo" avou l' cene do Lussimbork, li "Lux".)
- Tous les habitants de Bastogne
- Ont tous une drole de trogne (2 côps)
- Tous les habitants de Bastogne
- Ont tous une drole de trogne, comme un cochon qui grogne
- (Totes les djins d' Bastogne ont ene mawe come on pourcea ki rûteye.)
- Tous les habitants d'Houffalise'
- Sont cons comme des valises (2 côps)
- Tous les habitants d'Houffalise'
- Sont cons comme des valises, et puis qu'on se le dise
- (Totes les djins d' Oufalijhe sont biesses a magnî do four.)
