Lignè
Èn årtike di Wikipedia.
Lignè (fr: Ligny), c' est èn ancyin ptit ban del Waloneye, rebané avou Sombrefe.
- Limero del posse: 5140 (vî limero 6338)
- Limero diyalectolodjike: Na 41
- Nombe di djins: 2500 (2004).
- Lomaedje des djins: Lignitwès, Lignitwesse.
- Sipotaedje des djins: les Soçons.
Ådvins |
[candjî] Djeyografeye
- raiwî pal Ligne
- metou a l' aschate del province di Nameur, do Hinnot, et do Roman Payis.
[candjî] Istwere.
Li 16 di djun 1815, deus djoûs divant l' batreye di Waterlô, Napoleyon î wangna ene bataye conte li marixhå prûsyin Blücher. Gn a on muzêye ki rmimbere ciste apougnåde la.
[candjî] Tourisse et foclore
Li passion d' Lignè s' î djowe dispu 1925, (mins nén di 1930 a 1947). Ele fourit metowe so pîs pa l' abé Mayeux et Joseph Vassart. Å cmince, ele si djouwéve e 6 tåvleas.
Gn a des roles di femes dispu 1960.
E 1966, ele est rprinjhe på redjixheu del dramatike.
Asteure, c' est 18 tåvleas, k' on pout aler vey tos les dimegnes do cwareme.
[candjî] Tuzance walone
Prumire sicole di walon do payis d' Nameur, la k' gn a yeu des dames di scole k' ont dit k' on-z aléve fé do walon tins des eures normåles d' acsegnmint. Les scoles ont stî dnêyes di 1998 a 2001 pa Chantal Denis, avou l' aidance di Lucien Somme, prezidint des Relîs Namurwès. Les scoles di walon d' Lignè ont mostré:
- ki sacwants efants, foirt ritårdjîs dins les ôtès brantches, estént les prumîs al sicole di walon, et, tot-z estant valorijhîs, rimontént par après dins les ôtès brantches.
- ki des efants d' abagants (marokins) polént aprinde li walon ossu bén k' els ôtes.
- ki les grands-parints, k' on lzî evoyive les efants po dmander des racsegnes, estént foû binåjhes k' on-z åye raskepyî on loyén inte ces deus djermêyes la (grands-parints eyet ptits-efants).
