Motî d' Forire et Nåwinne
Èn årtike di Wikipedia.
Li motî d' Forire eyet d' Nåwinne, c' est on diccionaire so les fyis ki rote totossu bén dins l' sinse motî walon-francès ki francès-walon.
Il a stî adjinçné pa Jean-Pol Grandmont tot-z alant ramexhner les mots eployîs pa Joseph Calozet dins ses cwate romans, ey eto tot splitchant sacwants ALW ås ponts "Ne 9" (Nåwinne) et "Ma 46" (Forire). A cåze do poizaedje djeyografike di ces deus viyaedjes la, li walon do motî est prezinté come èn emîtrin walon ki rshonne ene miete å walon do Payis d' Nameur, å ci del Basse-Årdene, et å ci do Payis d' Lidje.
Il a stî metou so les fyis e 2001, et recråxhî disk' e 2004. Il a stî rapontyî li dierin côp li 24 di decimbe 2004. Adon, gn aveut 12 775 intrêyes do walon eviè l' francès, eyet 12 790 intrêyes do francès eviè l' walon.
Il a siervou come prumî fond di dnêye po fé sacwants franwals, et des programes di ratournaedje otomatike.
Li motî d' Forire et Nåwinne a stî tot etir eberweté 2383 côps so l' anêye 2004.
Il est rprins sol limero S 33 dins l' Djivêye des motîs do walon.
