Motî:rimouye
Èn årtike di Wikipedia.
rimouye [f.n.] 1. plaece avou on bea waezon, metowe a costé del måjhone, po stinde les mousmints k' on va rfrexhi (rimouyî) co on côp, po k' i soeyexhe bén blanc. On dit eto: soreye, soriaedje, curaedje; rl a: paxhi. >> mete li bouwêye al rimoye: li stinde so ci yebe la, eyet l' rifrexhi avou on rmouyoe, po k' ele soeye bén blanke, pu l' î leyî rsouwer. On dit eto: soryî, mete al soreye. 2. (stindaedje) sitindêye di yebes k' i gn a åtoû d' ene bele måjhone, et k' on rtaeye tos les moes, di l' esté. E djårdén, gn a li plaece po li rmouye, li plaece po les fleurs, li plaece po les verdeurs (Lucien Somme). 3. yebe d' on terén d' fotbal. F. pelouse . Disfondowes: r(i)mouye r(u)mouye, r(u)moye, r(i)moye . 4. al rimouye å djeu d' pwele, dijhêye cwand deus pîces sont ossu lon del pwele ene ki l' ôte, et k' i fåt mzurer a l' aspagne. 5. plaece k' on moenne les tchéns pierdous u les cis sins mwaisse. Dj' aléve tos les djudis al rimouye des tchéns pierdous avou les SPA. fourrière .
