Sellou
Èn årtike di Wikipedia.
Li sellou (on dit eto li sfouf), c' est èn amagnî tipike do Marok.
C' est ene brune påsse fwaite avou del farene, des amandes, des cacawetes et do sezame. Ça a ene miete li minme caire k' el påsse k' on tape a l' aiwe divant d' pexhî po-z assaetchî les pexhons.
C' est èn amagnî foirt nourixhant k' on magne å pitit coyî avou do té u do cafè. On l' magne voltî å ddjuner, et co purade tins do cwareme.
[candjî] Ricete do sellou.
[candjî] Aprestaedje des ingredyints.
- Prinde on kilo d' farene; li mete bruni å for.
- D' èn ôte costé, prinde on kilo d' amandes, les mete cure el bolante aiwe et les peler; les rpasser dins ene pêle avou d' l' ôle; les rsouwer; les moure.
- Fé parey avou troes cwårts di kilo d' cacawetes.
- Prinde eto troes cwårts di kilo di grinnes d' sezame, les mete bruni å for; elzès moure.
- Dins ene casrole, mete on grand vere (200 ml) d' ôle d' olive avou on dmey-vere di corante låme et cwate grandès coyirêyes di boure; les maxhî tot lzès tchåfant.
[candjî] Maxhaedje.
Mete li farene so ene platene; radjouter les amandes, pu les cacawetes, pu l' sezame, pu et 125 gr di glaecé souke; adonpwis, vudî li casrolêye avou l' cujhaedje d' ôle d' olive, di låme et d' boure dissu, tot prustixhant l' påsse.
Raidjî sol pitit raidje po bén maxhî totafwait.
Li sellou est presse.
