Gē-su̍t

Wikipedia (chū-iû ê pek-kho-choân-su) beh kā lí kóng...

Gē-su̍t sī bó·-chi̍t-koá chok-phín (mi̍h-kiāⁿ ia̍h oa̍h-tōng) he̍k-chiá-sī gē-su̍t piáu-hiān-chiá pún-sin, hām koan-sióng-chiá tiong-kan hō·-siong éng-hióng, tì-sú sán-seng cheng-sîn-siōng, sim-lí-siōng, kap kám-kak ê piàn-hoà ê oa̍h-tōng.

Chit-khoán oa̍h-tōng te̍k-pia̍t kiông-tiāu koan-sióng-chiá tùi chok-chiá (piáu-hiān gē-su̍t ê lâng) ê kiâⁿ-choè ê chiáng-ak, lán kā hiah-ê hō· chok-chiá kap koan-sióng-chiá sán-seng kau-kâⁿ ê chhiú-lō·, mûi-thé, tùi-siōng téng-téng ê chok-phín, hām chit kui-ê koè-têng, lóng kiò-chò gē-su̍t.

Gē-su̍t chok-chiá thoân-sàng hō· koan-sióng-chiá ê loē-iông, ū koan-liām, su-sióng, kám-kak, kám-chêng téng-téng koh-iūⁿ ê thiu-siōng hē-hāng.

Gē-su̍t chit-ê sû sī tùi Ji̍t-pún hàn-jī-sû 芸術（げいじゅつ）lâi--ê.

[siu-kái] Gē-su̍t ê chióng-mn̂g

Nā chiàu gē-su̍t chok-chiá só· ēng koh-iūⁿ ê chhiú-lō· kap mûi-thé, lán ē-sái kā gē-su̍t hun-chò bô-kâng ê chióng-mn̂g, ē-bīn sī àn gē-su̍t piáu-hiān ê hong-sek, kap le̍k-sú-siōng sio-pí-phēng ê khoán-sek lâi hun--ê.

• Bí-su̍t
  • Koè-oē
  • Tiau-khek
  • Kiàn-tio̍k
  • Jī-hoat (Su-hoat)
  • Hip-siòng (Liap-iáⁿ)
  • Kang-gē
  • Hoe-tō (chhah-hoe)
• Bûn-ha̍k
  • Si
  • Siáu-soat
  • Hì-kio̍k
  • Sàn-bûn
• Kó͘-tián im-ga̍k
  • Chok-khek
  • Ián-chàu
  • Chí-hui
• Siat-kè (Si̍t-iōng gē-su̍t)
  • Sî-kiâⁿ gē-su̍t
  • Tô·-siòng gē-su̍t
  • Kang-gia̍p siat-kè
  • Khong-kan siat-kè