Afrikanerbond
vanuit Wikipedia, die vrye ensiklopedie.
Die Afrikanerbond (voorheen die Afrikaner Broederbond) is 'n vereniging wat die belange van Afrikaners bevorder. Gedurende die apartheidsjare was meeste regeringsministers, asook invloedryke kerkleiers, akademici, professionele, militêre en polisiebeamptes lede van die vereniging. Dit was gereeld aangetyg en altyd ontken dat die belangrike besluite van die Suid-Afrikaanse staat deur die toe baie geheimsinnige Broederbond gemaak is.
In 1979 het die boek Broederbond: The Super-Afrikaners, deur Ivor Wilkins en Hans Strydom, groot opslae gemaak omdat dit nie net 'n exposé van die Broederbond was nie, maar ook 'n bylaag van 139 bladsye gehad het waarin die naam, beroep en ander inligting van elke lid van die Broederbond verskyn het.
