Burgernet
vanuit Wikipedia, die vrye ensiklopedie.
Burgernet is 'n samewerkingsooreenkoms van burgers en polisie in Nieuwegein, Nederland. Dit is gestig om kinders op te spoor, kriminele op heterdaad te betrap, verdwaalde oumense te vind, gesteelde motors te vind, ens. By Burgernet deel die polisie met 'n meldkamerstelsel tegelyk met baie burgers inligting na aanleiding van noodroepe. Die burgers, wat tydens 'n Burgernetaksie gebel word, is mense wat hulle aangemeld het om aan die Burgenet-stelsel deel te neem en wat in die onmiddellike omgewing van die plek woon waar byvoorbeeld 'n inbreker pas gesien is of 'n kind verdwyn het.
Sodra 'n Burgernetdeelnemer die misdadiger of die kind sien, word die meldkamer direk gekontak en 'n polisie-eenheid na die presiese plek gestuur, danksy aanwysings van die deelnemers. As die inbreker die sirkel verlaat wat deur die polisie vasgestel is, word daar eenvoudig 'n nuwe sirkel van deelnemers gebel. As 'n deelnemer na 'n melding die meldnommer bel, word dit deur sagteware in die meldkamer onmiddellik gemarkeer op 'n kaart, sonder dat die beller nog te woord moet staan. Sodoende kan die melding blitsig verwerk en die gesoekte persoon maklik gevolg word. Sodra die misdadiger in hegtenis geneem is, word alle deelnemers gebel. Hulle word ook ingelig oor die afloop van die speurtog en die aantal mense wat hierby hulle bystand verleen het.
Die Burgernet-stelsel is in Nieuwegein suksesvol getoets. Alhoewel die stelsel tans net in hierdie dorp toegepas word, is daar planne om dit uit te brei na die res van Nederland en moontlik ook 'n aantal ander lande.
