Colin McGinn
vanuit Wikipedia, die vrye ensiklopedie.
Colin McGinn (1950) is 'n Engelse filosoof aan Rutgers Universiteit. Hy is primêr bekend vir die bevordering van 'n filosofiese siening bekend as die Nuwe Misteriasime, wat deel is van die Geestesfilosofie. Volgens die Nuwe Misteriasime beskik die menslike verstand nie fundamenteel oor die vermoë om homself volkome te verstaan nie. Dit is volgens McGinn die rede waarom die mens dit so moeilik vind om sy bewussyn te verstaan. McGinn se antwoord op die ingewikkelde probleem van bewustheid is dat die mens uiteindelik nie die antwoord kan bekom nie. Colin McGinn is ook 'n fiksieskrywer.
