Dinard
vanuit Wikipedia, die vrye ensiklopedie.
Dinard aan die Bretonse Côte d'Emeraude (département Ille-et-Vilaine, Frankryk) is een van die mooiste kusstede van Europa met 25 000 inwoners (1999). Die Côte d'Emeraude (Smaragkus) is een van die vernaamste besienswaardighede in Frankryk. Pragtige sandstrande, eersterangse hotelle, gerieflike kampeerplekke, 'n kasino en die hawe wat deur kruisvaartskepe aangedoen word is deel van die perfekte infrastruktuur. Die vakansieoord is tot by 1850 'n klein vissersdorpie, wat daarna die toerisme as sy vernaamste bron van inkomste ontwikkel. Tydens die fin de siècle raak Dinard baie gewild raak Britse en Amerikaanse toeriste. Die eerste kasino word in 1860 opgerig, en die stad is steeds een van die bekendste vakansiebestemmings in Frankryk wat as die "Nice van die Noorde" bekend staan.
[wysig] Besienswaardighede
- Die boulevard Féart bekoor met sy villa's in die laat-Viktoriaanse styl.
- Die Promenade du Clair de la Lune is die mooiste strandweg in die stad; hier lê die Akwarium van Dinard, wat hom op die fauna van die Smaragkus toegespits het.
- Die Villa Eugénie (Musée du Pays de Dinard) in die rue Pichot is eintlik vir Eugénie, die eggenote van keiser Napoléon III, opgerig. Sy trek hier egter nooit in nie. Sedert 1985 is die huis 'n museum wat die geskiedenis van Dinard en sy omgewing behandel.
