Harry Kuitert
vanuit Wikipedia, die vrye ensiklopedie.
Harminus Martinus (Harry) Kuitert (Drachten, 11 November 1924) is 'n Nederlandse teoloog en etiekus, oorspronklik van die gereformeerde tradisie.
[wysig] Lewensloop
Kuitert was predikant in Scharendijk (Schouwen-Duiveland) en studentepredikant in Amsterdam. Hy behoort in 1961 aan die "Agtien", 'n groep van hervormde en gereformeerde predikante wat oproepe gedoen het tot die herstel van die skeurings in protestante geledere in Nederland. In die jare 1967-1989 was hy hoogleraar in Etiek en die Inleiding tot Dogmatiek aan die Amsterdam se Vrye Universiteit.
[wysig] Denke
Kuitert is ‘n verteenwoordiger van die moderne teologie. In sy werk gaan hy uit van die stelling dat alles wat van God kom, tot ons kom deur die mens. Hiermee huldig hy eerder 'n sosiologiese as 'n teologiese beginsel dat godsdiens ook die Christelike geloof ’n menslike konstruksie is. Die Christendom word daarmee vir hom ‘n tradisie waarbinne met behulp van simbole betekenis aan die lewe gegee word. Sodanige antropologiese teologie beskou dan ook die verskillende godsdienste as gelykwaardig aan mekaar. Die oorspronklike omlyning van die Christelike geloof, soos dit vasgestel word deur die eerste konsilies en kerkvaders het vir Kuitert geen afdwingbare betekenis nie. Die kern van die Christelike boodskap in die Nuwe Testament, die lyding, sterwe en die opstanding van Jesus is vir Kuitert nie krities vir Christen-wees nie.
Hy beskuldig die ortodokse Christene (Oosters-Ortodoks, Rooms-Katoliek en Protestant) daarvan dat hulle verstaan van die Bybel oudmodies en uitgedien is, die kerke in Europa laat leegloop en die jeug hul rug op God laat draai. Hy begin sy teologie by die denkende mens en nie by die sprekende God nie en daarin is hy die groot teenpool van die Switserse teoloog Karl Barth.
Kuitert glo nie dat alles wat in die Die Bybel staan sonder betekenis is nie, maar dit bevat nie gestolde waarhede of feite of geskiedenis nie, maar mites, verhale en verbeelding van mense wat probeer sin maak het in 'n lewe van chaos. Die groot fout wat Bybellesers maak, is om voorstellings as stellings te aanvaar.
Volgens Kluitert word mense aangespreek deur ander mens (in nood). Hierdie universele empatie en medelye, is die eintlike woord van God. 'n Ander dogma, wat deur Kuitert voorgestaan word is die persoonlike God. God word iets goddeliks, 'n onbepaalde en vrymakende mag. Kuitert se idees sluit aan by boeddhisme en die New Age-beweging.
[wysig] Publikasies
- De spelers en het spel - Baarn
- De mensvormigheid Gods - 1962 (proefskrif)
- Verstaat gij wat gij leest ? Over de uitleg van de bijbel - Kampen 1968
- Anders gezegd. Een verzameling theologische opstellen voor de welwillende lezer - Kampen 1974
- Zonder geloof vaart niemand wel - 1974
- Het algemeen betwijfeld christelijk geloof - Baarn 1992
- Jezus, nalatenschap van het christendon - 1998
- Over religie. Aan de liefhebbers onder haar beoefenaars - Baarn 2000
- Schiften - 2004
