Magenta (kleur)
vanuit Wikipedia, die vrye ensiklopedie.
Magenta is 'n blou-rooi kleur, wat ook as fuchsia of siklaam bekend staan. Magenta is een van die eerste kunsmatig vervaardigde anilienkleure en word in 1859 deur die Britse chemikus Sir William Henry Perkin (1838-1907) ontdek. Hy vernoem dit na die Italiaanse stad Magenta, waar in dieselfde jaar 'n groot slag tussen die Franses en Oostenrykers plaasgevind het.
Magenta is 'n primêre kleur in die subtraktiewe en 'n sekundêre kleur in die additiewe kleursisteem. In albei sisteme is dit die komplementêre kleur van groen. By inkdrukkers is magenta 'n standaardkleur vir die vierkleurdruk.
