Miljoendollartuisblad
vanuit Wikipedia, die vrye ensiklopedie.
Die miljoendollartuisblad (Engels: The Million Dollar Homepage) is 'n webwerf bedink deur Alex Tew, 'n student van Wiltshire, Engeland met die doel om fondse vir sy studies te bekom. Die webwerf is geloods op 26 Augustus 2005 en het teen 1 Januarie 2006 'n inkomste van ongeveer VSA$ 1 037 100 gegenereer. Dit word op 11 November 2006 aangegee as 'n 7 Google PageRank aangedui. Die webwerf se Alexa-ranglys was 12 675ste op 13 Oktober 2006, met die hoogste posisie 127ste.
Die indeksblad van die webwerf bestaan uit 'n 1000 x 1000-beeldelementblok (een miljoen beeldelemente - Engels: pixels), waarop hy grafikagebasseerde skakels vir VSA$ 1 per beeldelement, in 'n minimum van 10 by 10 blokke verkoop het. 'n Persoon wat een of meer van hierdie beeldelementblokke gekoop het kan dan 'n beeld op die blok vertoon en ook besluit watter URL daarna moet skakel sowel as watter bewoording moet verskyn indien die wyser (cursor) oor die beeldelemente sou beweeg. Die doel van die webwerf was om al die beeldelemente te verkoop en daarmee een miljoen dollar vir die stigter te genereer, 'n doelwit wat bereik is.
Op 1 Januarie 2006 is die laaste 1 000 beeldelemente wat beskikbaar was op eBay in 'n vendusie te koop aangebied. Die bod is op 11 Januarie toegeslaan met die hoogste bod VSA$ 38 100,00.
Inhoud |
[wysig] Ontstaan en ontwikkeling
Tew was op soek na 'n metode om finansiering van sy studies te genereer aangesien hy 'n kursus aan die Universiteit van Nottingham wou neem. Hy het 'n idee gehad om beeldelemente te verkoop en ten spyte daarvan dat hy nie geglo het dat enigiemand dit sou wou koop nie met die plan voortgegaan aangesien hy geweet het dat hy het min het om te verloor in die proses. Hy het nie beplan om die webwerf te bemark nie en het daarop gereken dat dit deur mondelinge advertensie bekend sou word. Binne drie dae verkoop hy sy eerste 20 x 20 beeldelementeblok, aan 'n aanlynmusiekwebwerf. Sederdien met slegs 'n persvrystelling in terme van selfbemarking, het hy verskeie blokke per dag verkoop. Tot Tew se verbasing het dit slegs twee weke geneem voordat hy genoeg geld vir sy eerste jaar aan die universiteit gehad het. Op hierdie stadium het bekende webjoernale en koerante van Groot Brittanje koerante (soos The Daily Telegraph, The Guardian, en The Sun) gerapporteer oor sy poging en het die aantal bestellings die hoogte ingeskiet. 'n Maand na die webwerf geloods is, het hy reeds VSA $152 900 verdien.
[wysig] Na-aapwebwerwe
Die konsep het gou aanleiding gegee tot honderde na-aperwebwerwe, alhoewel die oorgrote meerderheid van dié misluk het. Met die sukses behaal deur die Million Dollar Homepage is dit mootlik dat sommiges mag voortbestaan, maar dit sal waarskylik net met bemarking kan geskied. Aangesien Tew se webwerf die eerste was, het die nuwigheidwaarde en nuuswaardigheid verseker dat dié webwerf 'n sukses is.
[wysig] Verwysings
- Boggan, Steve (10 November 2005). "Million Dollar Boy". The Times, p. L12–L13.
- The million-dollar student deur Tom Geoghegan, BBC News Magazine.
