Voeding

vanuit Wikipedia, die vrye ensiklopedie.

Voeding is nodig sodat die liggaam al die nodige lewensfunksies kan uitvoer. Alle lewende organismes moet gevoed word.

Inhoud

1 Vier redes waarom die liggaam voedsel nodig het
2 Dieet
3 Voedselsoorte wat die menslike liggaam benodig

[wysig] Vier redes waarom die liggaam voedsel nodig het

Energie. Voedsel is die liggaam se brandstof en voorsien energie aan al die selle sodat hulle hul funksies kan verrig.
Groei. Voedsel verskaf die boustowwe vir die vervaardiging van nuwe selle.
Beskerm teen siektes. 'n Verskeidenheid van voedsel is nodig om weerstand teen siektes te bied.
Herstel en vervanging van beskadigde weefsel. Voedingstowwe word benodig om dooie selle te vervang en wonde te genees.

[wysig] Dieet

Die voedsel wat 'n mens eet, staan bekend as sy of haar dieet. 'n Gebalanseerde dieet sal voedsel van al die voedselsoorte bevat asook die regte hoeveelhede daarvan. Die hoeveelheid voedsel wat ons benodig word bepaal deur die volgende faktore:

ouderdom;
geslag; en
aktiwiteitsvlak

[wysig] Koolhidrate

Die mens het die grootste hoeveelheid van graan en graanprodukte nodig, omdat dit 'n onmiddellike bron van energie is wat nodig is vir ál die liggaamsfunksies. Die belangrikste koolhidraat vir die verskaffing van onmiddellike energie, is glukose. Glukose word in die vorm van stysel in graan en graanprodukte geberg.

[wysig] Proteïene

Die drie hooffunksies van proteïene is:

Dit dien as 'n boustof
Vir normale groei van spiere
Herstel van seerplekke

Voorbeelde van voedselsoorte wat ingeneem moet word om proteïene aan die liggaam te verskaf, is vleis, vis, eiers, boontjies, ens.

[wysig] Vitamiene

Vrugte en groente is 'n baie belangrike komponent van die dieet omdat dit vitamiene aan die liggaam verskaf wat die liggaam in 'n goeie, werkende toestand hou.

[wysig] Voedselsoorte wat die menslike liggaam benodig

Voorbeeld van bron	Voedselsoort	Funksie	Verteerde produk
Vleis, vis en eiers	Proteïene	Dien as boustof Vir normale groei van spiere Herstel van seerplekke	aminosure
Brood en lekkers	Koolhidrate	Belangrike energiebron	Glukose
Botter en sonneblomolie	Vette en olies	Reserwe energie Isolasie teen koue Beskerm organe, bv. die niere	Vetsure en gliserol
Vrugte en Groente	Vitamiene	Hou lewensstelsels in 'n goeie, werkende toestand	Vitamiene word nie verder verteer nie
Kaas, kool ens.	Mineraalsoute	Kalsium: Bou sterk bene en tande Yster: Vorm deel van rooibloedliggaampies wat suurstof vervoer	Minerale word nie verder verteer nie
Veselryke kos	Ru-vesel	Laat voedsel maklik deur dermkanaal beweeg Keer sekere kankers bv. kolonkanker Voorkom hardlywigheid	Ru-vesel word nie verder verteer nie
Water	Water	Oplosmiddel vir voedingstowwe Afbreek van voedsel (interingsproses	Water word net so benut