Andreas Vollenweider
Us der alemannische Wikipedia, der freie Dialäkt-Enzyklopedy
Andreas Vollenweider (* 4. Oktober 1953 z' Züri) isch e Schwyzer Musiker, Komponischt un Arrangeur vo Entschpannigsmusik un Suite, wo hauptsächlich vo de Harfe bschtimmt sin.
[ändere] Läbe
Scho im Vollensweider si Vadder Hans zellt zue de fuehrende Organischte z'Europa. Er isch in ere künschtlerisch vielsytige un inschpirierende Umgäbig ufgwachse un het sich als Autodidakt zuem Multiinstrumentalischt entwickelt.
Mit 22 Johr het er agfange d' Harfe z' schpiele un het si eigeni Schpieltächnik entwickelt. Er het s' Inschtrument nach sine Bedürfnis modifiziert, do drbie isch di elektro-akustischi Harfe entschtande.
Zallererscht het de Vollenweider für Film-, Theater- un Fernsehproduktione komponiert. In de 1970er-Johr het er denn mit René Bardet im Ensemble Poesie und Musik mitgwirkt. Drbie sin viel beachteti Vertonige vo Dichter wie Heinrich Heine un François Villon entschtande.
Si erschtes Album "Eine Art Suite in XIII Teilen" isch 1979 in de Schwyz veröffentlicht worde un gilt als "Wiege des Vollenweider-Sounds".
Im Johr 1984 isch ihm mit sinem Album "White Winds" glichzeitig de Schprung in d' amerikanische Charts in de Kategorien Pop, Klassik un Jazz glunge.
Si Solowerk schtoht im Schpannigsboge zwüsche Jazz un New Age - zerscht mit Inschtrumentalmusik, schpöter au Vokal.
[ändere] Albe
- Vollenweider, Bardet, Valentini (Lyrik un Musik): Heinrich Heine - ein neues Lied 1976
- Vollenweider, Bardet, Valentini (Poesie un Musik): François Villon 1976
- Vollenweider, Bardet, Valentini (Poesie un Musik): Heinrich Heine - Ich kann nicht mehr die Augen schliessen 1977
- Eine Art Suite in XIII Teilen 1979
- Behind the Gardens 1981
- Caverna Magica 1983
- White Winds (seeker's journey) 1984
- Down to the Moon 1986
- Dancing with the Lion 1989
- Traumgarten 1990
- Book of Roses 1991
- Eolian Minstrel 1993
- Andreas Vollenweider and Friends: Live 1982-1994 1994
- Kryptos 1997
- Cosmopoly 1999
- The Essential 2000
- Cosmopoly 1999
- Vox 2004
- Magic Harp 2005
- The Storyteller 2005
[ändere] Weblinks
| Persoonedaate | |
|---|---|
| NAME: | Vollenweider, Andreas |
| ALTERNATIVNAMEN: | |
| KURZBESCHREIBUNG: | Schweizer Musiker und Komponist |
| GEBURTSDATUM: | 4. Oktober 1953 |
| GEBURTSORT: | Zürich |
| STERBEDATUM: | |
| STERBEORT: | |
