Cevi
Us der alemannische Wikipedia, der freie Dialäkt-Enzyklopedy
 |
Dialäkt: Züritüütsch |
De Cevi Schwiiz (frz. Unions Chrétiennes Suisses) isch de Verband vo allne CVJM und CVJF vo de Schwiiz. De Cevi isch e christlichi, international usgrichteti Bewegig vo Chind, Jugendliche, Fraue und Manne und Teil vo de weltwiite Christliche Verein Junger Frauen und Manne, YWCA und YMCA. Er bütet Freiziitangebote für Chinde und Jugendlichi. D'Arbet wird zum Grossteil vo Ehreamtliche junge Mensche erledigt.
Mit siebe Regione und acht selbständige Arbeitsgebiet erreicht de Cevi Schwiiz über rund 17.000 Mitglieder und andere Teilnehmende a de Programm.
De Name "Cevi" isch es itreits Markezeiche vom Cevi Schwiiz.
Inhaltsverzeichnis |
[ändere] S'Leitbild vom Cevi
De Cevi isch e christlichi Bewegig vo Chind, Jugendliche, Fraue und Manne. Er isch Teil vo de weltwiite Christliche Verein Junger Fraue und Manne, YWCA und YMCA. De christlich Glaube isch grundlegend und wird in vielfältige Forme glebt.
Mir trauet Gott Grosses zue
De Cevi ermöglicht i sine Angebot, Gmeinschaft z'erläbe. Er förderet Begabige, übertreit Verantwortig und unterstützt d'Entwicklig vo de Persönlichkeit.
Mir trauet de Mensche Grosses zue
De Cevi verbindet Mensche und unterstützt sie i de gmeinsame Verwirklichung vo ihrne Idee. Er förderet s'Läbe us em Glaube a Gottes neui Welt.
Mir trauet eus Grosses zue
De Cevi git Chind und Jugendliche Glägenheit, sich selbst z'verwürkliche und z'lerne mit de Natur und de Mitmensche richtig umz'gah.
[ändere] Regione und Arbetsgebiet
Die 7 Regionalverbänd bütet Freiziitangebot wie Jungschar, Ten Sing, Jugendgruppe oder Sport a. Das sind:
- Ostschwiiz
- Zürich-Schaffhuse-Glarus
- Winterthur-Schaffhuse
- Aargau-Solothurn-Luzern-Zug
- Baselstadt-Baselland
- Bern
- Unions Chrétiennes Romandes
Die 8 Arbeitsgebiet engagieret sich im soziale Bereich:
- Horyzon isch die internationali Zämearbet vom Cevi Schwiiz
- Cevi Militär Service unterstützt Schwiizer Armeeaghörigi
- Muet zur Gmeind erneueret Chilegmeinde
- YPoM setzt neui Idee für christliches Zämesi um
- S'CVJM Zentrum Hasliberg isch es Feriedorf
- D'Genossenschaft Cevi-Hüüser betribt es Jugendhuus
- Cevi Alpin macht Aktivität i de Berge
- D'Villa YoYo Schwiiz bütet i verschiedene Städt gratis Hüüser zum Spiele für Chind
[ändere] Gschicht
• 1768 entstönd die erste Vorläufer-Gruppe i de Schwiiz.
• Am 6. Juni 1844 wird de ersti Cevi (bzw. YMCA = The Young Men's Christian Association) von George Williams in London gründet
• 1852 gründet Henri Dunant die ersti Cevi-Gruppe in Genf.
• 1855 füehrt d'Gründig vom Weltbund zu Kontakt zwüschet Gruppe i de Schwiiz und andere Länder.
• 1864 wird de Schwiizer CVJM gründet.
• Bereits um 1875 gits i de Schwiiz CVJF ähnlichi Gruppe.
• 1902 schlüsset sich d'CVJF-Gruppe us de Westschwiiz zum "Comité Romand" zäme.
• S'"Comité Romand" wott sich 1911 em YWCA-Weltbund aschlüsse. Dert werdet sie ufgno, erhaltet aber no keis Stimmrecht, wil sie nur en Teil vo de Schwiiz und nur ei Landessprache vertretet
• 1911 gründet Lord Baden-Powell die ersti Pfadi-Gruppe. In Genf, Bern, Basel, Zürich und St. Galle, i de Waadt und in Neueburg baut de Cevi Pfadi-Gruppe uf.
• 1913 wird de Schwiiz. Pfadibund gründet.
• 1914-1918 während em 1. Weltkrieg, entstaht d'Soldatearbeit.
• 1918 wird de erschti CVJM-Jugendsekretär für d'Dütschschwiiz iberuefe.
• 1920 schafft de Cevi Ufenthalts-, Lese- und Wärmestube für Arbetslosi, sowie e Volkshochschuel.
• 1926 schlüsset sich die verantwortliche Frauen vo deutschschwiizerische CVJF-Gruppe em "Comité Romand" a. So wird s'zweite Gsuech um e Aktivmitgliedschaft im YWCA Weltbund 1926 bewilligt.
• 1930 wird in Basel s'1. CVJF Sekretariat vo de Dütschschwiiz eröffnet.
• 1945 werdet neui Leiterkurse duregfüehrt.
• Ab 1970 wird die hütig erlebnisorientierti Jungschararbet und e systematischi Usbildig ufbaut.
• 1998 schlüsset sich drü Dachverbänd (Cevi Bund, CVJM Nationalverband, CVJF Nationalverband) sowie die selbständige Arbetsgebiet UCF Vaud und FRUC zum hütige Cevi Schwiiz zäme.
• Im Jahr 2000 gits i de Dütschschwiiz 185 Jungscharabteilige.
[ändere] Wie isch es zu de Bubenjungschare cho?
Als d'Idee vom Cevi i d'Schwiiz cho isch, bestönd bereits em Cevi ähnlichi Gruppe. Sie schlüsset sich de Cevi-Idee a. Dank Henri Dunant breitet sich de Cevi i de französische Schwiiz schnell us. Agregt durch d'Romands entstönd bald Gruppe i de grosse Städt vo de Düütschschwiiz. De englischi Cevi bringt d'Pfadibewegig i d'Schwiiz. Nach einige Jahr bildet die Pfadi-Gruppene en eigene Bund. Einigi Gruppe bliebet au Mitglieder vo de Cevi-Bewegig. D'Chinder- und Jugendgruppe vom Cevi selber sind aber erst sit de 70er-Jahr mit de hütige Form vo de Jungschararbet gwachse. De Seuzacher Realschuellehrer (Oberstufe) Rolf Wehrli hät die Entwicklig massgeblich prägt. Über die Ziit händ die Cevi-Gruppe mangi schweri Krise z'überwinde. Jedesmal isch d'Cevi-Bewegig gstärkt us ihne hervorgange.
[ändere] Wie isch es zu de Meitlijungschare cho?
1934 hät de CVJF Nationalvorstand d'Kommission "Nationale Kommission vo de Jungschare" bildet - da häts bereits Meitligruppe gäh. In Basel sind sie als d'Meitli mit de blaue Jupes und de wisse Bluse bekannt. 1967 wird Susanne Hofer als 1. Sekretärin vo de Meitlijungschar für d'Region Basel agstellt. Gmeinsam mit Fraue us de Region Zürich hät im gliche Jahr de ersti Schueligskurs für Jungschileiterinne stattgfunde. In de nächste Jahr wachst d'Meitlijungschararbet sichtbar. Ab 1981 händ all 5 dütschschwiizer Regione (AG-SO-LU-ZG, Basel, Bern, Ostschwiiz und Zürich) e eigeni Jungscharsekretärin. Es sind immer neui Abteilungen derzue gstosse. I de 90er-Jahre sind i vielne Regione d'Kurse überarbeitet und veränderet worde.
[ändere] Weblinks
- Cevi Schwiiz: www.cevi.ch
Der Artikel basiert uf ´ra freie Ibersetzung vum Artikel „Cevi“ us dr dytsche Wikipedia.
