Ephraim Kishon

Us der alemannische Wikipedia, der freie Dialäkt-Enzyklopedy

Ephraim Kishon (*23. August 1924 in Budapest, Ungarn, † 29.Januar 2005 in Meistersrüte, Appenzell) isch e israelische Schriftsteller ungarischer Herkunft gsi. Er gilt allgemein als ein vo de bedüdentschte Satiriker vom 20. Johrhundert.

Kishon isch als Ferenc Hoffmann inere ungarisch-jüdische Familie in Budapest uf d'Welt cho. Während em Zweite Weltchrieg isch er 1944 in e Konzentrationslager in Pole verschleppt worde; uf em Weg ins Vernichtigslager isch em dann d Flucht glunge. Noch em End vom Zweite Weltchrieg un e paar Johr im kommunistische Ungarn isch er dann nach Israel usgwanderet, und dört hätt er au dä Name kregt, unter däm er bekannt worde isch: Ephraim Kishon. 1952 hätt er agfange, Kolumne für die Dageszittig Ma'ariv z schriebe, bald druf dann au ganzi Buecher un Theaterstuck. Er isch schnell au international bekannt worde und hät weltwit ä sehr hochi Uflag an Buecher erreicht. Sin viellicht bekannteschtes Buech sin sini „Familiegschichte“, die, vo de Bibel abgseh, s meischt verkaufschte hebräische Buech sin. Sini Theme ware allgemein relativ vielfältig: Familie, Alltag, s Läbe in Israel, s'Reise, Politik (bsunders d' Bürokratie), die moderni Chunscht un no meh. De Kishon hätt für sini Werk au zahlrichi Priis kregt, so zum Beispiel de Israel-Priis, de österrichische Staatspriis für Chunscht und Literatur, de ungarische Staatspriis für Literatur und de Münchhausen-Priis. Ußerdem sin Verfilmige vo sine Buecher mit drei Golden Globes uszeichnet worde.

Privat war de Kishon dreimal verhürotet: Vo sinere erschte Frau Eva hätt er sich scheide loh; sini zweiti Frau Sara (sine Läser als „die beschti Ehefrau vo alle“ bekannt, isch 2002 gstorbe, un sini dritti Frau isch die österrichischi Schriftstelleri Lisa Witasek gsi, die er 2003 ghürotet hät. De Kishon hät in Israel un in de Schwiiz, im Kanton Appezell, gläbt und gschafft. Er isch am 29. Januar 2005 ame Herzafall gstorbe.

[ändere] Literatur

Kishon, Ephraim: Nichts zu lachen: sini Erinnierige noch me Gespräch mitm israelische Journalischt Jaron London. - München : Langen Müller, 1993. - ISBN 3-7844-2457-0