Irland

Us der alemannische Wikipedia, der freie Dialäkt-Enzyklopedy

Éire (irisch) Ireland (engl.) Irland
(Details) (Details)
Hauptschtadt	Dublin (ir. Baile Átha Cliath)
Schtaatsform	Republik
Schtaatsoberhaupt und Regierigschef	Präsidentin Mary McAleese
Flächi	70.280 km²
Bevölkerigsdichti	60 Einwohner pro km²
Nationalhymne	Amhrán na bhFiann
Internet-TLD	.ie
Vorwahl	+353

Irland (amtlicher dütscher Name, irisch Éire [ˈeːrʲə], engl. Ireland), oft au Republik Irland (irisch Poblacht na hÉireann, engl. Republic of Ireland) isch en Inselstaat uf de gliichnamige Insle Irland. Er grenzt im Norden an Nordirland, des zum Vereinigte Königriich vo Großbritannie un Nordirland ghört und isch im Oschte vo de Irische See un im Weschte un Süde vom Atlantik umgä. Irland isch Mitglied vo de Europäische Union. De Grossteil vo de Bevölkerig isch katholisch.

[ändere] Wirtschaft

[ändere] Allgemeins

Irland, früher s "Armenhus" vo de damaligen EG, isch im Jahr 2005 eis vo de riichte Länder weltwiit. Jahrelang hets es starks Wachstum gäh. S inflationsbereinigte Pro-Chopf-Iikomme in Irland isch innerhalb vo de EU uf Rang 2. Numme Luxemburg isch no vornedra. So isch es Pro-Chopf-Iikomme ugfähr 31 % höher als des vo Dütschland. Irland wird wege seinere guete wirtschaftliche Entwicklig oft Keltischer Tiger gnennt. Wege em gsetlich festglegte Mindeschtlohn liegt s monatliche Iikomme bi Vollziitagstellte nbi mindescht 1.183 Euro. Nach ere Senkig liegt de Stüürsatz für Unternähme bi numme 12,5 %. S git aber es grosses wirtschaftlichs Gefäll zwüsche de grosse Zentre (Dublin, Limerick, Cork) uf de eine Siite un de ländliche Gebiet uf de andere Siite.

[ändere] Basisdate

Stand 2005:

• Bruttoinlandsprodukt (BIP): 148,556 Milliarde Euro
• BIP pro Chopf: 35.634 Euro
• Vermöge pro Chopf: 148.130 Euro, s höchschte in Europa.
• Mehrwertsstüüre: 21 % uf Güeter, 12 % uf Dienschtleistige (Uf Büecher un Chinderbekleidig wird kei Mehrwertstüüer erhobe)

Koordinaten: 51°-55° N, 6°-11° W