Olympus Mons
Us der alemannische Wikipedia, der freie Dialäkt-Enzyklopedy
 |
Der Artikel bschäftigt sich mitèm Bèrg Olymp uffèm Planet Mars, wittèri Bèrg wo so haißè findènèr undèr Olymp (Begriffsklärig), dè grichisch Göttèrsitz undèr Olymp |
 |
Dialäkt: Markgräflerisch (Ebringe) |
Dè Olympus Mons (lat. Bèrg Olymp), trèffènd daift uf dè Nammè vum Sitz vu dè antikè grichischè Götter, isch ä höchstwohrschins èrloschènè Vulkan in dè Tharsis Regio uf èm Planet Mars. Mit 26,4 km Gipfelhöchi vum Fuèß gmèssè un èmè Durmèssèr vu fast 600 km isch èr dè höchst un größt bchannt Bèrg im Sunnèsystem.
Olympus Mons, frièhèr als Nix Olympica (lat. nix = Schnee) bzaichnèt, ghört wägè sinèrè Form zuè dè so gnènntè Schildvulkan. Sällèr Vulkantyp cha zwar sehr hoch werrè, het däbi abèr ä großi Usdähnig – d'Stigig vu dè Häng isch relativ flach. D'Inselgruppè Hawaii, uf dè Erde, isch bispilswiis aus us dèm Vulkantyp vorgangè.
Olympus Mons isch meh wiè zwanzig mol so brait wiè hoch. Sini Abhäng sin an manchè Stellè bis zuè sex Kilometèr hoch, an andèrè Stellè flach. Säll chummt dur Lavaström z'stand, wo bi dè Entstohig vum Vulkan frigsetzt worrè sin. Dè aigèntlich Vulkanschild isch extrem flach: Ä Bobachtèr, wo vu dè Obèrkantè vum Abhang in Richtig vum Gipfèl luègè dät, säh bloß ä èndlosi Ebeni, wil d'Hangnaigig d'Marskrümmig grad usgliicht.
Der Artikel basiert uf ´ra freie Ibersetzung vum Artikel „Olympus Mons“ us dr dytsche Wikipedia.
