Durchmesser

Us der alemannische Wikipedia, der freie Dialäkt-Enzyklopedy

Dialäkt: Markgräflerisch (Ebringe)

De Durmesser (grich. Diameter) isch d'Entfernig zwische de Schnittpunkte vume Chrais mit ere Gerade, wo dem si Middelpunkt schnidet. De Durmesser vu ere Chugle ergit sich, wenn sälli dur s'Chuglezentrum gschnitte wird, wobi uf de Schnittflächi widerum ä Chrais entstoht. D'Hälfti vume Durmesser nennt mer Radius. Durmesser isch nit Querschnitt.

S'Verhältnis Umfang (U) vume Chrais zum Durmesser isch d'Chraiszahl π (pi), si isch ugfähr 3,1415926536. D'Formle fer de Durmesser (d) lutet: .

In de Metallverarbaitig cha zum Bispil de Durmesser vu ere Bohrig oder vume Bolze mit em geaignete Messmittel gmesse werre. Dodezue isch s'gmessen Maß mit de Agab uf de Konstruktionszaichnig z'vergliche. De Durmesser entspricht debi im größte Maß, wo rächtwinklig zue de Bohrigs- oder Bolzeax gmesse wird.

Chugeldurmesser werre au bi Sunne, Planete oder Monde agä, wo jewils ä annächerndi Chugle darstelle.

Ä Verallgmainerig isch de Durmesser vume metrische Ruum M in de Mathematik. Er isch defineert als s'Supremum vu alle Abständ vu je zwair Punkt vum Ruum,

Fer Chraise un Chugle in Euklidische Rüüm stimmt sälli Definition mit em obe gnennte geometrische Begriff iberi.

[ändere] Lueg au

• | Äquivalentdurmesser | Aerodynamischer Durmesser | Konjugeerti Durmesser | Idealkritischer Durmesser | Biparietaler Durmesser |