Peyo
Us der alemannische Wikipedia, der freie Dialäkt-Enzyklopedy
Dr Peyo, gebore als Pierre Culliford am 25. Juni 1928 in Brüssel und gschtorbe am 24. Dezämber 1992, isch e belgische Comiczaichner und Täggschter gsi.
Am bekanntischte worde isch sy sery "Les Schtroumpfs", uf dütsch 'die Schlümpf'. Die sery isch vo dr amerikanische triggfilm-firma Hanna Barbera als animierti färnsee-sery lanciert worde - mit wältwytem erfolg.
Zersch sinn d Schlümpf in dr sery Johan et Pirlouit, uf dütsch 'Johann und Pfiffikus', uffdaucht. Am Peyo sini andere figure sinn dr Benoît Brisefer ('Benni Bärenstark') und d chatz Poussy ('Pussy').
Dr Peyo hed au für anderi zaichner gschafft und unter anderem szenarie für d serye Natacha (vom François Walthéry) und Jacky et Célestin gschribe.
