Uzwil
Us der alemannische Wikipedia, der freie Dialäkt-Enzyklopedy
| Wappe | |
|---|---|
|
|
|
| Basisdate | |
| Kanton: | St. Gallen |
| Bezirk: | Wahlkreis Wil |
| BFS-Nr.: | 3408 |
| PLZ: | 9240 |
| Koordinate: | 47° 27' n. Br. 9° 8' ö. L. |
| Höchi: | 560 m ü. M. |
| Flächi: | 14.49 km² |
| Iwohner: | 12'055 (31. März 2006) |
| Websyte: | www.uzwil.ch |
| Charte | |
 |
|
Uzwil (bis 1964 offiziell Henau gnennt) isch e Gmaind im Waalchrais vom Kantoo Sanggale in de Schwiz. D'Gmaind bestoht us sibä Dörfer, nämlich Uzwil, Niederuzwil, Henau, Algetshuusä, Niederstättä, Oberstättä und Stolzäberg.
De Name Uzwil chunt vom Name Uzzinvillare, was soviel wie "Hof vom Uzzo" bedütet. S erschtmol isch Uzwil 819 n. Chr. ufere Urkunde erwähnt, wo en gwüsse Rotphald sini Bsitztümer (Land) em Chloschter St.Galle vermacht. Er hett dur die Stiftig wölle sicherstelle, dass sini Seel in Himmel chunt. De Name vom Dorfbach Uze isch e jüngeri Bildig usem Ortsname. D Uze flüsst i d Thur.
Bis 1804 isch Uzwil, dozmol no underem Name "Gmeind Henau" es eher verschloofes Burenäscht gsii, Landwirtschaft isch fascht di einzig Iihnamequelle gsii. No um 1820 ume sind nachere Missernte Lüüt verhungeret, und viel Uzwiler sind uf Amerika usgwanderet.
Denn hett de Unternehmer Matthias Naef z Niederuzwil e mechanischi Weberei eröffnet. Das isch de Grundstei für d Industrialisierig vo Uzwil gsi. 1856 isch d Isebahnline baut worde, und das hett de Industrie und dodemit de Iiwohnerzahl en gwaltige Schuub geh.
Di Industrielle Benniger und Bühler AG hend denn mit de Errichtig vo ihrne Güssereie und Maschinefabrike s Bild vo Uzwil nochhaltig prägt, und Uzwil ide Welt bekannt gmacht.
S Wappe vo Uzwil zeigt 3 Weizeähre, wo di immer no sehr aktive Landwirtschaft um und in Uzwil symbolisiered, zäme mit me halbe Zahrad, wo es Symbol fürd Industrie isch.
Uzwil lit im Ondertoggeborg und grenzt a Oberuzwil, Oberbüre, Zuezwil, Wiil und Jonschwil.
