Descusión:Bal d'a Fueba

De Biquipedia

Quí ha escrito ista pachinota? Si no sabes charrar aragonés ta que te i metes? Aprende a luenga, tanimientres dixa de fer estorbo. No bi ha bella taza de correchir ista basuera?

Ba á fablar l'agudo! "Siñor catedratico d'a luenga aragonesa", en primer puesto una mica de respeto, astí dengún no fa estorbo y garra articlo ye basuera encara que aiga estato escrito por chen como puedo estar yo que no soi fablán natibo y soi aprendiendo a luenga. Segundo ista pachina ha estato escrita por un fablán natibo, asinas que charrar aragonés sabe y de seguras que muito millor que busté (si busté no ye fablán natibo) u á lo menos igual (si busté ye fablán natibo y charra atro dialeuto)... A berdá istas cosas creigo que nomás pasan en o nuestro país, siempre toz queremos saber más que os demás ...y antimás no femos nunca cosa por aduyar á la chen, parixe que toz aigamos de fablar u escribir tot perfeutamén...asinas mal imos, que s'amorte a luenga talmén ye o menor mal que nos puede pasar con istas trazas de fer as cosas :-( --Willtron (?) 11:47, 6 marzo 2007 (UTC)

Me quiers fer creyer que ixo l'ha escrito un fablador patrimonial? Áraba! Y o que solo pasa en o nuestro país ye que chen que no saben charrar s'adediquen á escribir. Asinas imos, que somos os frikis d'as luengas minorizadas.

Pos sí, ha estato escrito por un patrimonial y no sé que te sosprende tanto, parixe mentira... he bisto muitos puestos por o rete an s'escribe de muitas trazas...si no bi'n ha encara unas normas ofizials. Porque suposo que o que no te cuaca de l'articlo siga la suya digamos "ortografía" u "grafía". No creigo que quieras dizir que l'articlo ye mal gramaticalmén porque no'n ye. Y ixo creigo que no senifica no saber charrar, talmén no saber escribir, pero quí sabe escribir en aragonés? Busca-me dos libros escritos por dos escritors diferens y con una grafía común...cuasi imposible...por que? porque no bi'n ha normas, cadagún escribe con unas normas alazetals (b's, z's...), pero a resta de cosas como li parixe... --Willtron (?) 20:25, 7 marzo 2007 (UTC)

Si no fa-te-lo creyer Willtron pued estar que te-lo faiga yo, chiquet. Yo estiere l'autor d'ixe articlo, en fa ya bels meses, pero que yo sepa micas be d'haber cambiau l'idioma ta que no l'entendigues. Tos diré que si que fazié, no mal per lo que diz Willtron, que no tenemos garra ortografía ofizial, pero si que no d'a maniera que lo fai agora, es articlos, es adverbios y bels substantius perque feba á servir uno criterio que agora bels descubrimientes m'han feto cambear (ixo d'escribir l'aragonés ye faina d'ir aprendant-lo día á día). Criterio alabet més sui generis, pero sines d'intenzions ta estrazar es camíns lexicos d'autro colaborador en absoluto. Yo pienso, y prou que lo mantendré, que ixas trazas que gastaz beluns de fer a normativizazión d'a nuestra fabla á basi d'astraladas á contra d'es criterios estilisticos que bien podeban estar comuns con autras lenguas peninsulars, més que més (en pienso) ta marcar a diferenzia, no son garra prezisas, si que mos fan més mal ent'a causa que cosa feta, perque creigo que l'aragonés be d'estar respetato primero dend'o Nuestro País, ta que el puedan respetar es d'afuera. Ta yo, as "normas ortograficas" ixas que s'eban feto que poseban que no yera bueno fer marchar as "H" y as "V" no son correutas mas que las respeto á mientres que siga apuyant articlos ent'a biquipedia. Allora, ta fer compatibles ixas "normas viellas" con belas que sigan més codirenz con lo que se diz reyalment fazié temporalment ixa "ortografía de yo" que alabet si que fa mal t'es güellos, pero pretendiba servir como á pont d'entre as dos formas.

Ent'es articlos (ixes que á clase de Lengua clamebanos determinantes), tienz tota ra ragón tu, ye una errada que mantinié prou luego perque trafulquere en tiempos bela coseta á partir d'as pocas fuellas (ixas d'o Consello) que lexié. Mal que fazié, ya puez contar, perque en son "un buen rebaño" es articlos enziclopedicos que bi he meso asinas, pero talment que els pienso d'ir arreglant á ras proximas semanas d'ormino en tienga tiempo. También te-bi convido á culler parti si quiers, d'ixa correuzión, perque como ebas de saber astia en a wikipedia cualsiquier cosa ye liure de modificar-se per tu, per yo, o per qui siga que denga queriba partizipar ;).

• (Puez punxar astí ta veyer una explicazión d'o perqué d'ixes articlos que feba yo abantis)
• (Puez leyer a mía paxina d'usuario perque bi amuestro es míos criterios ortograficos y autros)
• (Puez contautar-me á trans d'a mía plana de descusions. M'aclucará de sentir-te.)

Atentamente; --Lascorz (Charrez-me) 22:26, 7 marzo 2007 (UTC)

No son solo que os articlos o que cal correchir, per exemplo en o zaguer parrafo, sin dentrar en a ortografía: Enta ["enta" ye una preposizión de mobimiento, no sé ta que la fas serbir en ixe contesto] no fa guaire añadas [millor "años"], encara se-bi [yo diría "se i"] trobeba ["trobaba"] á ["á" con sentiu locatibo no ye mica usual] ista bal una bariedát local de l'aragonés, clamada Fobán [en A Fueba dengún no dize "fobán", millor respetar a denominazión local] ó ["u"] Fobano (iste zaguer nome ["nombre"] suguesta [¿qué ye "suguesta"?] bela ["bella" ye con muito a forma més cheneral] enfluyenzia d'o castellán [¿o manteniniento d'a /o/ atona ye influyenzia d'o castellano?]), con salut prou buena, e que presenteba ["presentaba"] trazas de morfolochía e pronunzia ["prenunzia"] bela manera amanz d'os charres ribagorzans ["prou parellana á os parlars ribagorzanos"], ra cua cosa suguesta ra prozedenzia oriental d'os primeros abitanz d'a bal dimpués d'a suya reconquesta ["o que fa pensar en a prozedenzia oriental d'os primers abitadors d'a bal dimpués d'a suya reconquista", ¿dán has quitau ixa ideya?]. L'isolamient ["l'aislamiento"]d'ista tierra muito azentuau dend'a Ribagorza (á trans d'os monz d'a Foradada) [no l'acato guaire, pero me creigo que quiers dizir "á trabiés d'os mons d'a Foradada"] e relatibament dic'o ["dende"? "enta"?] Sobrarbe, sines [sin] de carreteras importanz, afaborieban ["faborexeba"] a conserbazión d'a fabla fobana ent'añadas bien aintradas d'o sieglo XX ["dica bien meyau o sieglo XX"; mozet, ¡que l'aragonés encara i ye prou bibo!]. Güei á dia [Güe], troban-se fablanz d'o fobán á bels lugarons d'a bal, encara que ra pureza d'o dialeuto s'eba estáu perdiendo á trazas importanz á ras zagueras añadas, acullient muitas parolas d'o castellán ["se troban fabladors d'o fobano en bels lugarons d'a bal, encara que buena cosa d'a pureza d'o dialeuto s'ha perdiu en os zaguers años e s'ha amprau muitas parolas d'o castellano", no ye o millor analís soziolingüistico: bi ha fabladors d'aragonés en toz os lugars d'a Fueba, si bien, como en tot o dominio lingüistico aragonés, per un regular ye a chen biella os que millor conserban o idioma].

Bueno, anque no soi mui esperto tampoco quereba cometar belas cosetas, más que más que he bisto u leyiu por o rete u libros. Primero dizir tamién que Lascorz (l'autor) charra catalán por o que suposo que tamién puede haber influyenzias, por exemplo en ese "añadas" que se fa serbir pro y yo lo he bisto en muitos puestos, ixas cosas suposo que penden d'o dialeuto, talmén en Echo si se diga más "años", pero no creigo que siga millor que "añadas"... Trobeba, presentaba, faborexeba... no en toz os lugars se fa d'igual traza la conchugazión d'o berbo y ixa conchugazión yo creigo que la he leyiu en más d'un puesto...asinas que b'ha barios lugars an se fa asinas... atros exemplos, en Chistén creigo que dizen trobabe, presentabe... no tot ye a forma "regular" (trobaba...) ixo pienso que cambea con os dialeutos. Güei, gué, oi... o mesmo b'ha barias trazas de dizir-lo, anque puede esta que güe siga a más estendillata. Nome/Nombre...igual, a primera se emplega más en a zona oriental. Bela/bella...si tú dizes que bella ye más cheneral igual ye berdá, pero yo precisamén creyeba que yera o contrario que bela ye más estendillata...yo as dos has he bisto asobén. Y "dic'o" ye a contrauzión de "dica" y "o" -> "dica o" -> "dic'o". D'o "se i" ya no puedo dezir muito, porque encara ye difizil ta yo emplegar-lo :-), pero si que sé que no b'ha unas normas masiu esclateras...en bels lugar encluso se fa serbir de más d'una traza "i/bi/ie"...puf ye un tema pro difizil, anque leyié que a norma aberba de estar "i" debán de consonán y "bi" debán de bocal, pero ixo ye a tioría, en a prautica dimpues como muitas atras cosas no ye asinas... Manimenos tanto iste como cualsiquier atro articlo d'a Biquipedia puez correxir-lo si quiers, por ixo se dize "a enciclopedia libre", porque cualsiquiera puede colaborar, editar u correxir articlos y tamién puez rechistrar-te si quiers :-). Saludos --Willtron (?) 21:00, 8 marzo 2007 (UTC)

Ufff, no creigo yo pas que calga de correchir tot ixo que dizes, menos encara si ha d'estar per un aragonés de fabrica. D'an te sacas tu que "enta" ye només de mobimiento? Enta ixo podríanos plegar, que diría belún... En qué te basas pa dizir que "bella" ye més común que no "bela", que ye prou més amanata ta la fonetica aragonesa? U pa dizir que "reconquista" ye millor que "reconquesta" (l'aragonés sería "reconquiesta" pero no beigo yo que la soluzión castellana siga millor que una d'aragonesa oriental. E tampoco no me pareix mala cosa fer més uso d'ixa "a" locatiba de l'aragonés, como enzertato ye tammién l'uso de "güeito" encara que no'l diga ni dios. Menos soperbia e més respeto cuan no se ye connoixedor de tot, fayamos toz la fabor... Estrolicador 21:23, 8 marzo 2007 (UTC)

Pos si no sabez que ye "bella" ye muito més cheneral que no "bela", que "trobEba" u "presentEba" no se diz en garra puesto ("trobabe" ta a primer presona d'o singular sí que se diz, pero no ye iste o caso), "reconquiesta" no se diz (encara que foneticamén sería a soluzión asperable) e "reconquesta" tampoco no se diz e no ye foneticamén aragonés; "añada" e "año" se dizen en toz os puestos pero ta sinificaus diferens; "güei" en aragonés ye un animal, l'alberbio ye "güe" (Bielsa, Benás, ezt). Aragonés de fabrica o buestro, que o mío l'he tetau en casa e dimpués l'he amillorau leyendo e ascuitando. Soberbia a buestra, que ni sabez ni querez aprender. Ta busatros l'agulla. Que baiga bueno

Yo no he dito que "bella" no estás més cheneral, només he preguntato en qué te basabas. Tamién imachino que "aquella" e "estrella" el serán. De "trobeba" e "presenteba", yo cosa no n'he dito. "Reconquiesta" no se diz, zierto, "reconquista" be de dizir-se muito, día par d'altro. "Reconquesta" sería raro pero posible foneticamén, més encara en aragonés oriental. "Añada" e "año" son diferens, en ixo sí te doi tota la razón. L'animal ye "buei" e l'alberbio "huei", ixas son las formas aragonesas plenas, istoricas e tradizionals e se las normas graficas esen respetato la tradizión romanica, bien las diferenziarinos encara que se dizisen igual oralmén, con gü-. Sí ye zierto, no te digo que no, que l'alberbio se siente como "güe" u "agüé" (e més encara como "oi", prou que sí), pero si nos miramos l'aragonés només sincronicamén, u sía, tal cual se charra tot agora, mal camín faremos e luego nos espaldaremos. Soberbia, ya el siento, ye la de belún que entra en un puesto només que pa criticar destructibamén a chen que gastan del suyo tiempo en fer més de 5.000 articlos, e en pagas tien l'atribimiento de soltar que "ni sabez ni querez aprender" sin conoixer al personal. Asinas ba el país, muito mayestro, muito fizón e la fuella per fer. Grazias per l'agulla, aquí i seguiremos cusindo. Como puet fer-lo quiquiera, que isto no ye garra "club" e prou que se i pueden fer articlos en as bariedaz que un més s'estime, u correchir es feitos pero argumentando de buenas el perqué. Saludos. Estrolicador 19:53, 9 marzo 2007 (UTC)

Trobeba y mincheba y cardeba y a casa que més quieras, prou que l'ebas d'aber sentiu ó ye que no bi has puyau ent'astí? D'as mesmas bocas que "Güei"... perque d'ixo que tu clamas "güei" se'n diz Buei astí e "BOU" á Benás, que también bi tiengo yo tíos allá, como á Tierrantona, Fondecampo y Fosau (an d'istas naxió a mía propia abuela, que encara charra a fabla perque de chobineta vinió ta Puertolas...agora tampoco no en sé cosa d'a Fueba, no?). También pues marchar t'allá á ver si miras ni que una trentena de fablans [ó "fabladors"] aintre d'es més de 600 habitanz d'o monezipio... Ya me dirás si encara creis que l'aragonés bi ye tan vivo, (prou que me pesa eh?) pero as reyalidaz como son (autra cosa t'es que charran medio castellán media fabla, eh? perque d'ixes en bi ha dozenas. Ixa ye a reyalidat). ¿Per qué digo que ye de belas trazas oriental? "Lo podemos pllantiar asinas; as palatalizazions son tipicament ribagorzanas (per lo que en sé) y n'o fobán te'n pllantan siet per cada frase". Á istas alturas bez d'aber-te agollau que no te soi guardando guaire respeto, creigo que dengún t'ebamos faltau encara y tú ya mos n'imbías ta cagar? y a bena' figuera ta tú, que l'agulla como eba dito Estrolicador (elegantemente, pienso) buen serbizio mos fará. Més cosetas, més cosetas... "Aislamiento".... como isoladas son as cabanas d'a montaña. ¿Reconquesta? ...alabet l'ixiere d'o catalán, qué me sé, que ya fa como 10 añadas (si, sí, añadas) que soi vivindo per allá (Barzelona) y á más el charro a totas horas con a mía novia, que ye catalana de familia, per exemplo. ¿Tú creis que no en bi ha posibilidat? tos pido perdón si no tos gusta, pero toz sabez que me podez correxir, pero cosa que no me'n pienso afartar si belún me diz que soi charrando de fabrica perque de seguros que l'he tetau més que no er. L'articlo ye á ro mesmo puesto an yera, agora tu el cambeas si t'agana, e si no t'agana, deixa de pelar es lastons fote a favor, que hemos gastau més fuella astí que á l'articlo. --Lascorz (Charrez-me) 21:57, 9 marzo 2007 (UTC)

No me respetes, á yo trampis; pero respeta a toponimia d'A Fueba, tu que en sabes tanto, perque ixo de de Ussía, Fondecampo, Formiga, O Fumo (¡¡O Fumo!! No sé si esmelicar-me-ne u plorar), Atiard, ezt, buuuf, qué quiers que te'n diga...

Ya te'n emos dito, aquí toz podemos escribir y editar os articlos, ye a enziclopedia libre. Si bela cosa creyes que ye mal puez cambear-la tu mesmo y no cal faltar á degún, nomás das, si ye menester, una chicota esplicazión y o cambeas. Ye mui fazil creticar o treballo d'os demás, pero no fer cosa (por atra parti ya sé que ye esporte nazional)... y aquí ya i somos cansos tanto de chen que parixe que son academicos d'a luenga como d'atros que son unos innorans...De seguras que isto no pasa tanto en atras wikis como a basca u a catalana y dimpués nos preguntamos como a nuestra luenga, o nuestro país ye tan mal...porque somos unos zenutrios...y a begadas m'enoya ya d'estar aragonés...joder por qué no naxié en atro puesto con chen más normal! :-( --Willtron (?) 14:00, 12 marzo 2007 (UTC)