Chipre d'o Norte
De Biquipedia
|
|||||
 |
|||||
| Idioma ofizial | Turco | ||||
| Capital - Cordenadas |
Nicosia (Lefkoşa) (35° 10' 28" N 33° 21' 25" E) |
||||
| Presidén | Mehmet Ali Talat | ||||
| Primer menistro | Ferdi Sabit Soyer | ||||
| Aria - Total - % augua |
3,355 km² 2.7% |
||||
| Poblazión - Total (2003) - Densidá |
210,047 ab. 62,6 ab./km² |
||||
| Independenzia - Declarada - Reconoxida |
15 de nobiembre de 1983 Turquía |
||||
| Moneda | Nueba lira 1 | ||||
| Zona oraria - en estiu |
EET (UTC+2) EEST (UTC+3) |
||||
| Inno nazional | garra (emplega o Inno Nazional de Turquía) | ||||
| Dominio Internet | .nc.tr | ||||
| Codigo telefonico | +90 392 | ||||
|
1 Dende l'1 de chinero de 2005, a Nueba lira turca (Yeni Türk Lirası) remplazó a Biella lira turca. |
|||||
A Republica Turca d'o Norte de Chipre (RTNC) (en turco: Kuzey Kıbrıs Türk Cumhuriyeti KKTC) ye un estau de facto, que controla o terzio norte d'a isla de Chipre, en o Mediterranio oriental. Turquía ye l'unico país que la reconoxe; toz os demás gubiernos y as Nazions Unitas reconoxen a soberanía d'a republica de Chipre sobre toda la isla. L'Organizazión d'a Conferenzia Islamica reconoxe a la RTNC como un estau, baxo lo nome d'Estau Turco Chipriota. A RTNC tien una poblazión d'arredol de 190.000 abitans y un aria de 3.355 quilometros cuadraus. A poblazión d'o norte ye cuasi entera turcofablán (Chipriotas turcos y turcos d'o continén) con chicotas poblazions de chipriotas griegos y libaneses. A RTNC encluye a parti norte d'a ziudá de Nicosia (turco: Lefkoşa, griego: Lefkosia), que sirbe como a suya capital. En l'aspeuto relixioso, o 99% d'a poblazión profesa la fe musulmana sunni, y l'1% se troxa en chicotas comunidaz cristianas; prenzipalmén ortodosas, pero tamién con presenzia de protestans y catolicos romans.
