Fabo
De Biquipedia
| Fabo | ||||||||||||||||
|---|---|---|---|---|---|---|---|---|---|---|---|---|---|---|---|---|
 Selba de faus |
||||||||||||||||
| Clasificazión zentifica | ||||||||||||||||
|
||||||||||||||||
| Nombre binomial | ||||||||||||||||
|
|
O fabo, fau u fayo (Fagus sylvatica) ye un árbol caduzifolio d'a familia d'as fagazias.
A espezie europeya d'o fabo ye a Fagus sylvatica, anque esisten fabos propios d'altros continens:
- Fagus crenata
- Fagus engleriana
- Fagus grandifolia
- Fagus japonica
- Fagus orientalis
Contenius |
[Editar] Carauteristicas
Ye un árbol gran, d'entre 25 e 35 m d'altaria e 1.5 m de diametro troncal, anque puede sobrepasar altarias de 40 m e diametros troncals de 3 m. Bibe d'uns 150 á 200 años, podendo plegar ta os 300.
O suyo tronco gosa d'estar reuto, largo e d'un griso blanquiñoso, anque en condizions aislatas tamién puede estar curto e de ramache largo, ubierto e preto.
As fuellas, per un regular, son alternas en os tallos chóbens, de coda curta e limbo obalato con canto ondulato. Os nierbos laterals son bien marcatos e paralelos (penninerbia), d'una color berda bien intensa per a cara, tornando-sen más escuros con os años, siempre en posizión orizontal ta recullir a más gran cantidá de luz posible.
Ye una planta monoica. As flors masculinas que chita ban acollatas en infloreszenzias globosas á lo remate d'un largo pedunclo. As femeninas las chita en grupos d'una á tres, raramén cuatre, sobre un pedunclo curto e erecto, en primeras de color amarillenca e dimpués grisenca, e produzen en fecundar-sen uns lulos alargatos e comestibles, con sabor de pipa de chirasol, clamatos fabetas u fayetas.
[Editar] Ábitat
L'ábitat natural d'o fabo abraca dende o sur de Suezia dica lo zentro d'Italia, e dende lo norte de Portugal per l'ueste dica lo nordueste de Turquía per l'este, an ya da paso ta o Fagus orientalis (fabo oriental). En l'aria mediterrania, o fabo se troba en as selbas d'os mons, á una altaria d'entre 600 e 1.800 m.
O fabo abita á temperaturas diferens, anque cal que siga en puestos d'umedá contina.
[Editar] Usos
O fabo fa onra como árbol de guambra ta espazios grans, como parques e chardins.
A suya fusta, tamién apreziata perque se treballa fazilmén, la emplegan ebanistas e torniadors. Ye útil debez ta prozesos de destilazión.
[Editar] Chardinería
O fabo ye bien apreziato como árbol ornamental.
Tolera los ibiernos fridos pero ye sensible á las rosadas de primabera.
[Editar] Bariedaz
O Fagus sylvatica conta con muitas bariedaz ornamentals, d'entre as cuals:
- F. sylvatica 'Atropurpurea', de fuellas d'un royo escuro;
- F. sylvatica 'Laciniata' u 'Heterophylla' , de fuellas estreitas e sarratas;
- F. sylvatica 'Fastigiata', con o ramache en pilars estreitos;
- F. sylvatica 'Pendula', con o ramache que pincha.
[Editar] Curiosidaz
Os fabos gosan d'estar os árbols d'as selbas que aparixen en muitas d'as falordietas de fadas.
Fabars conoxitos son, entre d'altros, a Selba de Fabos que se troba entre Candanchú e la Bal d'Aspe, o Fabar de l'Estrecho en Ordesa, u la Fageda d'en Jordà, zerca d'Olot.
