Luengas araucanas
De Biquipedia
As luengas araucanas se parlan en o S d'America d'o Sur (en a parte zentral de Chile e zentro-ozidental d'Archentina) per cuasi meyo millón de presonas.
Ista familia ye formata en l'autualidat que per dos luengas:
- o mapundungun (u luenga d'os mapuche)
- o huilliche
Manimenos, o huilliche ye considerato per muitos un dialeuto més d'o mapundungun, anque siga o que conta con més diberchenzias.
A filiazión no ye pas clara, anque lingüistas como Englert u Tovar la sitúan en o grupo andino d'as luengas amerindias d'America d'o Sur, emparentatas de luen con as luengas quechuas e aymará; belaltras clasificazions encara més espezificas sitúan as luengas araucanas como subfamilia d'una familia araucano-chon que pertenexería á lo debandito grupo andino. Ye bien probable, pues, que no se trate d'una familia aislata.
