Oczitania

De Biquipedia

Occitània


(Escudo oczitán)	(Bandera oczitana)

Lema :
oczitán : Larguesa, Convivéncia, Paratge / Volèm viure al país

Mapa d'Oczitania

Aria

196.741 km²

Poblazión

12.000.000 ab. aprox.

Luengas

Oczitán y franzés

Mayors ziudaz

Marsella, Tolosa, Bordeus, Niza, Toulon, Montpeller, Clermont-Ferrand, Limoges, Nimes, Abiñón, Pau, Baiona, Valence, Cannes, Antibes, Vichy, Montluçon, Arles, Brive, Béziers, Tarba, Agen, Rodez, Gap, Périgueux

Chentilizio

Oczitán, oczitana

Oczitania (en oczitán: Occitània) ye o nombre d'o conchunto de territorios an se fabla l'oczitán, que corresponde alto u baxo á lo Meyodiya ("Midi") de Franzia (anque tamién encluye redoladas d'España: a Bal d'Arán, y bellas bals alpinas d'o Piemón en Italia). Se troba situata entre o golfo de Bizcaia y os Alpes ozidentals, y o Mazizo Zentral franzés, o mar Mediterranio y os Perinés zentrals, ocupando una amplaria d'alto u baxo unos 200.000 km², en a cuala biben quinze millons d'abitans.

Ye formata por siet rechions istoricas, en a mayor parti d'as cualas se fabla bel dialeuto de l'oczitán: Gascuña y Guyena en la zona oczidental; Lemosín y Aubernia en o norte; o Delfinato y Probenza en a zona oriental y Languedoc á lo sur. Oczitania no tien denguna entidá politica dentro de Franzia, por ixo no ye posible identificar una capital. Anque tradizionalmén se han letigato este tetulo as dos ziudaz más poblatas d'Oczitania (Bordeus y Marsella), anque debito á la situazión zental de Tolosa se considera autualmén como capital, pero l'oczitán literario s'alzeta más en o dialeuto fablato en Languedoc (arredol de Montpeller). Os nazionalistas oczitans han tomato como bandera la d'os condes de Tolosa: una cruz amariella en fundo royo. Ista cruz forma parti d'as banderas d'as rechions de Meyodiya-Perinés y Languedoc-Rosellón.