Onso gris
De Biquipedia
| Ursus arctos horribilis Estau de conserbazión: Menazau d'extinzión |
||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Fembra d'onso gris americán, con ra colorazión que dóna ro nome ta ista subespezie |
||||||||||||||||||
| Clasificazión zentifica | ||||||||||||||||||
|
||||||||||||||||||
| Nomenclatura binomial | ||||||||||||||||||
| Ursus arctos horribilis | ||||||||||||||||||
| Ord, 1815 |
l'Onso gris (clamau popularmén Grizzly á America d'o Norte) yé una bariedát gran e de color pendénd d'os indibiduos, dend'o marrón fosco ent'o amarillénd, de l'onso pardo. Autualmén bibe á ras tierras altas de l'ueste de norteamerica, encara que yé azeutau que belas formas que podeban estar clamadas como á onsos grises feban bida á Rusia e Siberia á curto tiempo entazaga. Autualmén, l'unica subespezie biba que poderba estar clamada onso gris yé ra bariedát norteamericana (Ursus arctos horribilis), á mientes que l'onso gris de Siberia (Ursus uralensis) troba-se extinxíu.
Ros onsos grisos americans son más grans que ros onsos pardos europeyos, plegánd tá 500 Kg en ros masclos adultos (isto yé, aproximadamén, 1,8 begadas ro peso d'a fembra -iste ye uno echemplo claro de dimorfismo sexual-) e presentan una gran bariedát de colorazións á pendenzia d'as suyas poblazións d'orichen, cosa que ye prou singular d'ista subespezie porque no se troban autras bariedaz autuals d'onso pardo con bariazions tan grandes de colorazión en ro mundo.
Normalmén, l'onso gris yé uno animal timido e solitario que muitas begadas fa bida á ra nueit. Sines d'embargo, á l'epoca d'o desobe d'os salmons istos animals congregan-se á ra ribera d'os rios e barranquets ta fer cautura d'ixos pexes, e sines que ista conducta esteba considerada como sozial, pueden-se beyer modernaménd encara á bels puestos d'Alaska e Canadá grans congregazions d'onsos grises aguaitánd ra pleganza d'os salmons.
