Stefan Banach

De Biquipedia

Stefan Banach ([,stɛfan 'banaɣ]; 30 de marzo de 1892 en Cracobia, Imperio Austro-ongaro agora Polonia - † 31 d'agosto de 1945 en Lwów, Unión Sobietica - ocupato por Polonia), estió un matematico polonés, uno d'os destacatos d'a Lwów School of Mathematics en a Polonia prebia á la guerra. Estió un autodidauta en matematicas; o suyo taliento estió escubierto azidentalmén por Juliusz Mien y posteriormén por Hugo Steinhaus.

Cuan a Segunda Guerra Mundial prenzipió, Banach yera o presidén d'a Soziedá Matematica Polonesa y profesor en a Unibersidad de Lwów. yera un miembro de l'Academia d'as Zenzias d'a Republica Sozialista Sobietica d'Ucraína, y por atra parti teneba una buena relazión con os matematicos sobieticos, y li'n premitió permanezer en o suyo cargo á penar d'a ocupazión sobietica, dende 1939, d'a ziudá. Banach sobrebibió a posterior ocupazión alemana dende chulio de 1941 dica frebero de 1944, ganando-se a bida alimentando un pegollo con a suya sangre t'o Instituto d'Inbestigazión sobre o Tifus d'o profesor Rudolf Weigl. A suya salú empioró mientres a ocupazión, y desarrolló un mal d'alcanze de libiano. Dezaga la guerra, Lbib se encorporó á la Unión Sobietica, y Banach murió astí antis de que pudiera ser repatriato ta Cracobia, Polonia. Ye enterrato en o Fosal Lychakibskiy.

Tumba de Stefan Banach

[Editar] Obra

Théorie des opérations linéaires (Teoria operacji liniowych, 1932) ye considerato a obra más importán de Banach. En ella formuló lo conzeuto agora conoxito como Espazio de Banach, y contrimostró muitos tioremas alazetals de l'analisis funzional. Tamién creyó y editó a rebista Studia Mathematica.

Antimás de estar uno d'os creyadors de l'analisis funzional, Banach tamién fazió contrebuzions importans á la tioría d'a meya, tioría de conchuntos, y atras ramas d'as matematicas.