Atenéu Obreru de Xixón
De Uiquipedia
L'Atenéu Obreru de Xixón ye una entidá cultural asturiana fundada en 1881 en Xixón col oxetivu d'espardir la cultura y la enseñanza.
La so mayor espansión foi a principios del sieglu XX. Así, en 1904 abrió la so biblioteca, que llegó a tener cerca de 15.000 volúmenes. Tamién abrió sucursales nos barrios de La Calzada, El Llanu y La Guía. Esta buena época acabóse en 1937 por culpa de la Guerra Civil, que motivó que-yos incautaran los bienes y pesllaran la asociación.
Volvió a abrir les sos puertes en 1981 gracies al esfuerzu d'un grupu de persones, ente les qu'había dellos socios de vieyu.
El 26 d'ochobre de 1985 inauguraron el so nuevu llocal, na cai Covadonga de Xixón.
[editar] Enllaces esternos
- Páxina oficial del Atenéu (en castellanu)
Esti artículu ye un entamu, ampliándolu, ayudarás a meyorar la Uiquipedia
