Cármenes
De Uiquipedia
Cármenes ye un municipiu de la provincia de Llión que pertenez a la Mancomunidá del Curueñu. El municipiu ta asitiáu nel cursu altu del Riéu Toríu, en llendes d'Asturies.
Cármenes caltién intautu'l sou territoriu municipal dende la Edá Media, ensin modificaciones dalas. Dende entos data'l nomatu de La Mediana, por formar parte central ou media del antigu Conceyu d'Arbolio, agora chamáu Los Argüeyos. Pol este queda Valdellugeros, ou Primeira Tercia d'Arbolio, y nel ueste, Vil.lamanín, que completa'l Conceyu primitivu, col nome xenéricu de La Tercia.
Antañu, esti municipiu tuvu una población superior a los 2.200 habitantes, lu que-y supusu algamar escuelas, servicios sanitarios, casinos, fontes... etc. peru anguañu las emigraciones y la desruralización fai que namái queden 470 habitantes n'él.
[editar] Turismu
Esti municipiu tien paraxes naturales prestosos enforma aptos pal turismu. Zonas cumu las cuevas de Valporqueru y las Foces de Vegacervera son frecuentadas por turistas de bien de zonas de las comunidaes vecinas. Tampoucu hai qu'esqueicere Los Pontedos, Caldas de Getino y las Foces de Canseco.
