Cabanaquinta
De Uiquipedia
Cabanaquinta (Cabañaquinta n'español) ye una villa y una parroquia del conceyu asturianu d'Ayer, n'España. Amás ye la so capital dende 1869 en sustitución de Collanzo.
Nos 4,71 km2 de superficie que tien la parroquia habiten un total de 1.544 persones (2004). La villa ta a 427 metros d'altitú. Alcuéntrase a unos 44 km d'Uviéu. Ta dixebrada nos barrios de Vallina, El Boleru, Parrielles, El Barreru, Veguina, Rozá, Espineo, La Sierra y Carriques.
Fasta'l 10 de payares de 1887 la parroquia pertenecía a la de Vega, pero separtóse della, entamando a furrular independientemente en 1892.
La ilesia d'anguaño escomenzó a construyise en 1899 y finóse'l 28 d'agostu de 1902, abriéndose al cultu cotidianu 2 años dempués. Foi construyida gracies al sofitu del presbíteru José Fernández Castañón y García Blanco.
