Cabu d'Hornos
De Uiquipedia
Cabu d'Hornos ye'l nome que recibe'l cabu más austral de l'archipiélagu de la Tierra del Fueu, nel sur de Chile, consideráu tradicionalmente como'l puntu más meridional d'América; ye amás el más austral de los tres grandes cabos y marca'l llímite norte del Estrechu de Drake. Per munchos años, el Cabu d'Hornos foi ún de los finxos principipales nes rutes de ñavegación d'embarcaciones a vela, les que comerciaben alredor del mundu inda cuando les agües del Cabu d'Hornos son particularmente peligroses y bayurosa la presencia nelles d'icebergs, amás de fuertes vientos y foleax.
Cola apertura de la Canal de Panamá, la ñavegación alredor del cabu amenorgóse significativamente. Sicasí, ñavegar nes sos agües ta consideráu tovía como ún de los mayores retos ñavales, polo qu'esisten estremaos eventos d'ociu qu'empleguen esti pasu, dellos como parte la circunnavegación del globu, ente los que destaquen importantes regates de yates, como'l Vendée Globe.
