Can
De Uiquipedia
Can (khân) ye una pallabra del idioma tártaru que significaba al principiu “señor”. Usábase pa nomar a los xefes tribales mongoles.
Nel sieglu XI, probablemente por una confusión col términu cagán, que designaba a los soberanos nes llingües de la familia altaica, can acabó volviéndose un títulu nobiliariu, equivalente al d'emperador. Recibíen esti tratamientu los soberanos mongoles que reinaron sobre China, Mongolia y delles naciones de les estepes d'Asia central.
Nel casu de varios príncipes mongoles, como Xenxis Can y Cublai Can, el títulu formaba parte del nome propiu.
A partir del sieglu XIII, el términu Can enraigonó en varios idiomes, y los reis de Persia o los sultanes selxúcides y otomanos adoptaron esti tratamientu. Nel sieglu XX, tovía usaben el títulu de Can dellos gobernantes republicanos en países como Afganistán, Paquistán o Uzbequistán.
