Castañéu'l Monte
De Uiquipedia
Castañéu'l Monte (Castañedo del Monte n'español) ye un llugar y una parroquia del conceyu asturianu de Santo Adriano, n'España.
[editar] Xeografía
Ocupa 4,28 km² nel estremu noroccidental del conceyu, llendando con Uviéu, Grau y Proaza. La mayor parte de la polbación vive en Castañéu, y hai dellos caseríos nel Cabezu y Los Niseiros. En total habiten na parroquia 36 persones (INE 2005). La altura media de Castañéu alcuéntrase ente los 530 y los 580 metros, lo que fae que n'iviernu les nevaes seyan algo habitual. Ta formáu por unos caseríos diseminaos na ladera sur de la sierra de Buanga. Alcuéntrase a unos 10 kilómetros de la capital del conceyu. L'accesu ye al traviés d'una carretera que sal de la AS-228 a l'altura de San Andrés. Ye frecuente alcontrase con argayos na vía.
[editar] Fiestes
La fiesta más importante ye la de San Xuan, que se cellebra n'honor de San Xuan el 24 de xunu, con una romería.
[editar] Otres fiestes
- San Antonio, 13 de xunu.
- San Romano, 9 d'agostu.
- Arcángel San Gabriel, 29 de setiembre.
| Parroquies de Santo Adriano |
|---|
| Castañéu'l Monte | Llavares | Tuñón | Villanueva |
