Felpeyu
De Uiquipedia
| Estadístiques | |
|---|---|
| Orixen: | Asturies  |
| Estilos: | Folk |
| Estáu: | N'activu |
| Tiempu: | 1991 - |
Felpeyu ye un grupo de música folk d'Asturies y una de les referencies na música asturiana.
Foi fundáu en 1991 en Salamanca, onde estudiaren Belles Artes los sos miembros fundacionales Ígor Medio y Ruma Barbero. Dende entós, desendolcaron una carrera musical con una bayura d'actuaciones per España, Europa y Australia.
El so primer trabayu discográficu foi'l discu homónimu Felpeyu, editáu en 1994 por Fonoastur. Pa entós, ya habíen espublizáo la maqueta Fuxide oricios (1993) y contribuyeron al recopilatoriu "V Festival de Música Folk Galega" (1993. Edicions Discográficas Galegas). Magar qu'al entamu de la so carrera desenvolvíen un repertoriu con pieces asturianes y gallegues (pola participación de los hermanos Cástor y Félix Castro), Felpeyu centróse col tiempu nos sones más averaos al repertoriu asturianu.
En 1997 apaez el so segundu discu, Tierra (Fonoastur) y enxertan una de les sos pieces del discu Felpeyu nel recopilatoriu Naciones Celtas.
En 2000 asoleyen Live Overseas (Urchin Records), discu en direutu de la so xira per Australia, y en 2002 el so discu caberu Yá!.
El 24 de xunu de 2006, el grupu sufre un accidente de tráficu cuando empobinaba dende Asturies pa Cataluña, onde diben ofrecer un conciertu. Nel siniestru morrieron los sos componentes Ígor Medio y Carlos Redondo (guitarra), mientres que'l restu la formación -Ruma Barbero, el curdionista Xuan Nel Expósito, los vigulinistes Elías García, Lisardo Prieto y Fernando Oyáguez, el gaiteru Diego Pangua y el técnicu de soníu Slaven Kolak-, sufrieron feríes de diversa gravedá.
Tabla de conteníos |
[editar] Componentes
- Xuan Nel Expósito, curdionista.
- Elías García, vigulinista.
- Lisardo Prieto, vigulinista.
- Fernando Oyáguez, vigulinista.
- Diego Pangua, gaiteru.
